ކޮވިޑް-19 ފެތުރެން މަދުކުރުމަށްޓަކައި، ކ. ގުރައިދޫގެ ކެފޭތަކާއި ރެސްޓޯރަންޓް އަދި ގާޑިޔާ ފަދަ ތަންތަނުގެ ހިދުމަތް ދިނުން މެދުކަނޑާލަން ނިންމައިފި ކަމަށް އެ ރަށު ކައުންސިލުން އިއްޔެ ހާމަކޮށްފިއެވެ.
އެ ރަށު ކައުންސިލުން ހާމަކޮށްފައިވާ ގޮތުގައި، ރާއްޖޭގައި މިހާރު އިއުލާންކޮށްފައިވާ ސިއްހީ ކުއްލި ނުރައްކަލުގެ ހާލަތާ މެދު ގޮތެއް ނިންމަން ދެން އެ ތަންތަނުގެ ހިދުމަތް އެ ރަށަކުން ނުލިބޭނެ އެވެ. ސިއްހީ ކުއްލި ނުރައްކަލުގެ ހާލަތު މިދިޔަ ބުރާސްފަތި ދުވަހު އިއުލާން ކުރީ، އެއް މަސް ދުވަހަށެވެ.
މި ބަލި ފެތުރުނަ ނުދިނުމަށްޓަކައި ސަރުކާރުން ވެސް އަންނަނީ ވަރުގަދަ ފިޔަވަޅުތަކެއް އަޅަމުންނެވެ. އެ ގޮތުން ސްކޫލްތަކާއި ކޮލެޖްތަކުގެ އިތުރުން ސަރުކާރު އޮފީސްތައް ވެސް އަންނަ ހަފްތާގެ ނިޔަލަށް ވަނީ ބަންދުކޮށްފަ އެވެ.
މި މަހުގެ 7 ވަނަ ދުވަހު މި ބަލި ރާއްޖެއިން ފެނުނު ފަހުން 13 މީހަކު ވަނީ ޕޮޓިވްވެފަ އެވެ.
ކޮމެންޓްސް (0)