ސަރުކާރު ބަންދު ހަފްތާގައި ފެނަކައިން ހިދުމަތްދޭ ގަޑިތަކަށް ބަދަލު ގެނެސްފި

ކުރިއަށް މިއޮތް ހަފްތާއަކީ ސަރުކާރު ބަންދު ހަފްތާއެއްކަމަށް ކަނޑައެޅުމުން ފެނަކަ ހުޅުމީދޫ ބުރާންޗުން ހިދުމަތްދޭ ގަޑިތަކަށް ބަދަލުތަކެއް ގެނެސްފިއެވެ.

ފެނަކައިން ހާމަކޮށްފައިވާގޮތުގައި  ކަސްޓަމަރުންނަށް ދެމުންދާ ހިދުމަތްތައް ދިނުމަށް އޮފީސް ހުޅުވިފައި ހުންނާނީ ހުކުރު ހޮނިހިރު ފިޔަވާ އެހެން ދުވަސްތަކުގެ ހެނދުނު 10:00 އިން މެންދުރުފަހު 13:00 އަށް ކަމަށެވެ. މީގެ އިތުރުން ފެނަކަ ހުޅުމީދޫ މީދޫ ބްރާންޗުގެ ކޭޝް ކައުންޓަރުން ފައިސާ ބަލައިގަންނާނީވެސް ހެނދުނު 10:00 އިން މެންދުރު 1:00 އަށް ކަމަށް  ފެނަކައިން ވަނީ ހާމަކޮށްފައެވެ.

19 މާރިޗު 2020 އިން ފެށިގެން 26 މާރިޗު 2020 ގެ ނިޔަލަށް ސަރުކާރުން ބަންދުކޮށްފައިވަނީ މިހާރު ރާއްޖެއިންވެސް ފެނިފައިވާ ކޮވިޑް 19 ފެތުރުން ހުއްޓުވަން އަޅާ ފިޔަވަޅެއްގެ ގޮތުންނެވެ.