ރާއްޖޭގެ މަޝްހޫރު ދީނީ އިލްމުވެރިޔާ އައްޝެއިޚް އަޙްމަދު ސަމީރު ބިން އިބްރާހިމްގެ ޚާއްސަ ދަރުހެއް މިރޭ ހުޅުމީދޫ ގައި ބާއްވާ ގޮތަށް ހަމަޖެހިއްޖެ އެވެ.
މިރޭ 20:30 ގައި ހުޅުމީދޫ ޕޮލިސް ދަނޑުގައި ފެށުމަށް ހަމަޖެހިފައިވާ މި ދަރުސްގެ މައުޟޫއަކީ ” ހަޔާތުގެ މަގްސަދު ” އެވެ.
މިދަރުސް އަޑު އެއްސެވުމަށް ހުޅުދޫއާއި މީދޫގެ ވީހާގިނަ ފަރާތްތަކަކުން ވަޑައިގެން ދެއްވުމަކީ މިދަރުސް އިންތިޒާމްކުރާ ފަރާތުގެ ވަރަށް ބޮޑު އެދުމެކެވެ.
މިރޭ ޕޮލިސް ދަނޑުގައި ޝެއިޚް ސަމީރުގެ ޚާއްސަ ދަރުސްއެއް ބޭއްވުމަށް ހަމަޖެހިފައިވާއިރު ސްކޫލްތަކުގެ ބެލެނިވެރީންނަށް ޚާއްސަކޮށްގެން ރޭވެސް ޚާއްސަ ދަރުސެއް މީދޫގައި ހުންނަ ހުޅުމީދޫ އެސްޓީއޯގައި ވަނީ ބާއްވާފައި ވެއެވެ.
މައުލޫމާތު ލިބިފައިވާގޮތުގައި މިއަދު މީދޫ މަސްޖިދުލް އިބްރާހިމް މަޖުދުއްދީންގައި އިމާމުވެ ހުކުރު ކުރެއްވުމަށް ހަމަޖެހިފައިވަނީވެސް އައްޝެއިޚް އަޙްމަދު ސަމީރު ބިން އިބްރާހިމްއެވެ.
ކޮމެންޓްސް (0)