މާލެ ތެރެއަށް ކޮރޯނާވައިރަސް ވަރަށް ބޮޑަށް ފެތުރިފައިވާ ކަމަށް ބެލެވޭތީ، މިވަގުތު އެންމެ ބޮޑު އިސްކަމެއް ދެނީ ވީހާ އަވަހަށް ބަލި ހުރި މީހުން ދެނެ ގަންނަން ޓެސްޓް ހަދައި މީހުން އެކަހެރިކުރަން ކަމަށް ހެލްތް މިނިސްޓަރު އަބްދުﷲ އަމީން ވިދާޅުވެއްޖެ އެވެ.
އެންއީއޯސީގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމުގައި ހެލްތް މިނިސްޓަރު އަމީން ވިދާޅުވީ، މާލޭގައި ބަލި ފެތުރިފައިވާ ބައެއް ސަރަހައްދުތައް މިހާރުވެސް ފާހަގަވެފައިވާ ކަމަށެވެ. އަދި އޭގެ އިތުރަށް މިހާރު ބަލި އޮތް މިންވަރު ދެނެގަތުމަށް ކޮމިއުނިޓީ ސާވިލެންސް ހަދަމުންދާ ކަމުގައިވެސް އަމީން ވިދާޅުވިއެެވެ. އެގޮތުން ހެދޭ ސާވިލެންސް ޓެސްޓުތައް އަތޮޅު ތެރޭގައިވެސް އަދި މާލޭގައިވެސް ހެދިގެން ދާނެ ކަމުގައި މިނިސްޓަރު ފާހަގަކުރެއްވިއެވެ.
ކޮމެންޓްސް (0)