45 މޭލަށް ވައިގަދަވާނެ ކަމަށް ލަފާކޮށް ހުދު އެލާޓު ނެރެފި އެވެ.
މޫސުމާ ބެހޭ ގައުމީ އިދާރާއިން ހުދު އެލާޓް ނެރެފައިވަނީ ވަނީ ކ އަތޮޅުން ފެށިގެން އައްޑޫ ސިޓީ އާއި ދެމެދުގެ ރަށް ތަކަށެވެ.
މޫސުމާއިބެހޭ ގައުމީއިދާރާއިން ނެރެފައިވާ އެލާޓްގައި ބުނެފައިވަނީ ހުޅަގުދެކުނާއި ހުޅަގުން އާންމުކޮށް ގަޑިއަކު 15 މޭލާއި 25 މޭލާއި ދެމެދަށް ވައިގަދަވާނެ ކަމަށާއި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށެވެ.
މެޓް އޮފީހުން މި ސަރަހައްދަށް ވައިޓް އެލާޓު ނެރެފައިވަނީ މިއަދު 19:00 އިން ފެށިގެން މިރޭގެ ދަންވަރު 01:00 އާއި ހަމައަށެވެ. 19:00 އިން ފެށިގެން މިރޭގެ ދަންވަރު 01:00 އާއި ހަމައަށް އައްޑޫހިމެނޭ ސަރަހައްދަށް ވައިޓް އެލާޓް ނެރެފައިވާއިރު މިއަދު ދެފަރެއްގެ މަތީން އައްޑޫ ހިމެނޭ ސަރަހަށް މޫސުމާއިބެހޭ އިދާރާއިން ޔެލޯ އެލާޓް ނެރެފައިވެއެވެ.
މިހާރު ރާއްޖެއަށް ކުރަމުންދާ ވިއްސާގައި އައްޑޫސިޓީއަށްވެސް ބޯކޮށް ވާރޭ ވެހުމުގެ ސަބަބުން އައްޑޫ ސިޓީގެ ގުޅިފައިވާ ރަށްތަކުގައި ފެންބޮޑުވެ ބައެއް ގެތަކަށް މިއަދު ވަނީ ފެންވަދެފައެވެ.
ވައިޓްއެލާޓް ނެރެފައިވާ ވަގުތުތަކުގައި ބޯކޮށް ވާރޭވެހި ބައެއް ރަށްތަކަށް ގުގުރުން އެކަށީގެންވާ ކަމަށްވެސް މޫސުމާބެހޭއިދާރާއިން ހާމަކޮށްފައިވެއެވެ.
ކޮމެންޓްސް (0)