ރާއްޖޭގެ ޝަރުއީ ނިޒާމު އިސްލާހްކުރާނެކަމުގެ ސިގްނަލެއް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ދެއްވައިފިއެވެ.
މިފަދަ ސިގްނަލެއް ރައީސް ސާލިހް ދެއްވާފައިވަނީ އެމަނިކުފާނުގެ ފުރަތަމަ ރިޔާސީ ބަޔާނުގައެވެ.
ކޯޓުތަކާއި ފަނޑިޔާރުން އިޞްލާޙުގެ މަގަށް ރުޖޫޢަވެގެން ނޫނީ، މިޤައުމުގެ އެއްވެސް ކަމަކަށް ހަމަޖެހުމެއް ނާންނާނެ ކަމަށާ އަދި ފަނޑިޔާރުގެ އިސްލާހްކުރުމަކީ މިހާރުން މިހާރަށް ކުރަންޖެހިފައިވާ އެންމެ މުހިންމު އެއް ކަންތައްކަމުގައި ރައީސް ސޯލިހުގެ ރިޔާސީބަޔާނުގައި ހާމަކޮށްފައިވެއެވެ.
އުއްތަމަފަނޑިޔާރާއި ސުޕްރީމް ކޯޓުގެ ފަނޑިޔާރުން ވަޑައިގެން ތިއްބެވި މިރަސްމިއްޔާތުގައި ރައީސް ސާލިހް ވިދާޅުވީ ރައްޔިތުންނަށް އިންސާފު ލިބޭނެކަން ޔަގީންކޮށްދޭންޖެހޭކަމަށެވެ.
ފަނޑިޔާރުގެ އިސްލާހްކުރުމުގެ ބާރުގަދަ ސިގްނަލް ރައީސް ސޯލިހު ދެއްވިއިރު އެމަނިކުފާނުގެ ޕާޓީ އެމްޑީޕީންވަނީ ފަނޑިޔާރުގެ އިސްލާހްކުރާނެގޮތުގެ އެޖެންޑާއެއް ނުވަތަ އެޕާޓީން ރާވާފައިވާގޮތުގެ ތަފްސީލުވެސް މިދިޔަ ހަފްތާގެ ތެރޭގައި ހާމަކޮށްފައެވެ.
ކޮމެންޓްސް (0)