ޔޫތު މިނިސްޓަރ އަޙްމަދު މަޙްލޫފް މީދޫއަށް ޒިޔާރަތްކޮށް މީދޫގައި ހުރި ކުޅިވަރު ކުޅޭ ތަންތަނުގެ ހާލަތު ބައްލަވާލައްވައިފިއެވެ.
މިނިސްޓަރ މިމަހުގެ 15 ވަނަ ދުވަހު މީދޫއަށް ކުރެއްވި ދަތުރު ފުޅުގައި މީދޫގައި ސްޕޯޓްސް އެރީނާ ހެދުމަށް ސިޓީ ކައުންސިލުން މީދޫ ބަނދަރު ސަރަހައްދުން އަލަށް ދީފައިވާ ބިން ބައްލަވާ ލެއްވުމަށްފަހު މީދޫ ފުޓްބޯޅަ ދަނޑަށާ މީދޫ އިޖްތިމާއީ މަރުކަޒަށްވެސް ޒިޔާރަތްކޮށްފައިވެއެވެ.
އަދި މީގެ އިތުރަށް މީދޫގެ ޒުވާނުންނާއި މިނިސްޓަރ މަހުލޫފްވަނީ ބައްދަލުކުރައްވާފައެވެ. މިބައްދަލުކުރެއްވުން ބޭއްވުނީ މީދޫ އިޖްތިމާއީ މަރުކަޒުގައެވެ.
މިބައްދަލުކުރެއްވުމުގައި ވާހަކަފުޅު ދައްކަވަމުން މަހުލޫފު ވިދާޅުވީ ރަށްރަށުގައި ކުޅިވަރުގެ ޙަރަކާތްތައް ކުރިއެރުވުމަށް ވަރަށް ބޮޑު ގޮންޖެހުންތަކެއް ހުރިކަމަށާ، އެކަންކަން ހައްލު ކުރުމަށް މިނިސްޓްރީން ކައުންސިލްތަކާ ގުޅިގެން މަސައްކަތް ކުރައްވާނެކަމަށެވެ. އަދި ކުޅިވަރުގެ ދާއިރާއިން ކުރިމަތި ވެފައިވާ ދަތިތައް އޮޅުން ފިލުއްވާ، އެކަންކަން ހައްލު ކުރުމަށް ސަރުކާރުގެ ލެވަލްގައި މަސައްކަތްކޮށްދެއްވާނެ ކަމުގެ ޔަޤީންކަންވެސް މަހުލޫފުވަނީ ދެއްވާފައެވެ.
މަހުލޫފް އިއްޔެ މީދުއަށް ކުރެއްވި ދަތުރުފުޅުގައި ރަށްޔިތުންގެ މަޖިލިހުގެ މީދޫދާއިރާގެ މެމްބަރު ރޮޒެއިނާ އާދަމްވެސް ބައިވެރިވެވަޑައިގެންނެވިއެވެ.
މިބައްދަލުވުމުގައި މީދޫ ދާއިރާގެ މެމްބަރު ރޮޒެއިނާ ވާހަކަފުޅު ދައްކަވަމުން މަހުލޫފްގެ ފަރާތުން އެދިވަޑައިގެންނެވީ މީދޫ އިޖްތިމާއީމަރުކަޒު މަރާމާތުކުރުމަށް މިއަހަރުގެ ބަޖެޓްގައި ހިމެނިފައިވާ ފައިސާއިން ވީހާވެސް އަވަހަކަށް ސޯޝަލް ސެންޓަރު މަރާމާތުކޮށްދެއްވުމުގެ މަސައްކަތް ފައްޓަައިދެއްވުމަށެވެ.
ތިރީގައިއެވަނީ މަހުލޫފް މީދޫއަށް ކުރެއްވި ދަތުރުފުޅުގެ ތެރެއިން ނެގިފައިވާ ބައެއް ފޮޓޯތައް
ކޮމެންޓްސް (0)