މާދަމާގެ ފައިނަލްމެޗުން މޮޅުވެ ގައުމު އެފްސީއަށް ޗެމްޕިއަންކަން ލިބޭނެ- ގައުމުއެފްސީގެ މެނޭޖަރ އައްޕޯ

ސިޔާކަޕް ފުޓްބޯޅަ މުބާރާތުގެ  ފައިނަލުގައި މާދަމާ ހަވީރު ޓޫބްރަދާސްއާއި ދެކޮޅަށް ނުކުންނަނީ ގައުމު އެފްސީއަށް ކާމިޔާބު  ހޯދައިދޭންކަމަށް ގައުމު އެފްސީގެ މެނޭޖަރ އައްޕޯ ބުނެފިއެވެ. ގައުމު އެފްސީ ޓީމުގެ މެނޭޖަރ އައްޕޯ “ވީއޯއެމް” އަށް ދެއްވި އިންޓަވިއުއެއްގައި ބުނީ ގައުމު އެފްސީއަށް  ޓީމުގެ ސަޕޯޓަރުންގެ ފަރާތުން ސަޕޯޓް ބޭނުންވާ ކަމަށާއި، އިރާދަކުރެއްވިއްޔާ މާދަމާގެ ފައިނަލްމެޗުން މޮޅުވެ ޗެމްޕިއަންކަން ގައުމު އެފްސީއަށް ލިބޭނެކަމަށެވެ.

“އިއްޔެ ހަވީރު ޓޫބްރަދާސްއާއި ބައްދަލުކޮށް ކުޅުނުމެޗުން އަޅުގަޑުމެން ބަލިވިޔަސް މާދަމާ ކުޅެވޭ ފައިނަލްމެޗަށް އިއްޔެގެ މެޗުން ބަލިވި ބަލިވުމުގެ އަސަރެއް ނުކުރާނެ. ސަބަބަކީ އިއްޔެގެ މެޗަކީ ކޮންމެހެން މޮޅުވުން މަޖުބޫރު މެޗަކަށް ނުވާތީ ވަރުގަދައަށް މަސައްކަތްކޮށްގެން އިއްޔެ މެޗުން މޮޅުވާން އަހަރެމެން މަސައްކަތްކޮށްފައިނުވާތީ . އެހެންނަމަވެސް މާދަމާ ކުޅެވޭ ފައިނަލްމެޗަށް  ޓީމު އޮތީ ފުރިހަމައަށް ތައްޔާރުވެފަ. އިއްޔެގެ މެޗުން ދެރަވިޔަސް ޓީމަށް ގެއްލުނު އެއްޗެއްނެތް . އިއްޔެގެ މެޗްގައިވެސް ރަގަޅަށް ކުޅެ ގިނަވަގުތު ބޯޅަ ގެންގުޅެފައިވަނީ އަހަރެމެން . މާދަމާގެ ފައިނަލްމެޗަށް ޓީމުގެ މުހިއްމު ހުރިހާ ކުޅުންތެރިންވެސް ފިޓް . ވަރަށް ބޮޑު އުއްމީދެއް އެބައޮތް ޓޫބްރަދާސް ބަލިކުރެވޭނެކަމުގެ. ގައުމުއެފްސީގެ  އަމާޒަކީ ޗެމްޕިއަންކަން ހޯދުން .  ޓީމަށް ސަޕޯޓް ކޮށްދިނުމަށް ޓީމުގެ ސަޕޯޓަރުންގެ ކިބައިން އެދެން” ގައުމު އެފްސީ ގެ މެނޭޖަރ އައްޕޯ ވީއޯއެމްއަށް މައުލުމާތު ދެމުން ބުނެފައިވެއެވެ.

މި މުބާރާތުގެ ފައިނަލަށް ގައުމު ދަތުރުކުރީ ޕޮއިންޓް ސިސްޓަމަށް ކުޅުނު 4 މެޗްތަކުގެ ތެރެއިން  3 މެޗުން މޮޅުވެ 1 މެޗުން ދެރަވެ 9 ޕޮއިންޓް ލިބިގެންނެވެ. ގައުމު އެފްސީ ދެރަވެފައިވަނީ ޕޮއިންޓް ސިސްޓަމަށް ކުޅުނު މެޗްތަކުގެ ތެރެއިން އިއްޔެ ހަވީރު ކުޅެވުނުމެޗްގައި  ޓޫބްރަދާސްއާއި ބައްދަލުކޮށް 1 ލަނޑު 0 ލަނޑުންނެވެ.

މިމުބާރާތުގެ ފައިނަލަށް ޓޫބްރަދާސް ދަތުރުކޮށްފައިވަނީ އެޓީމު ކުޅުނު 4 މެޗުގެ ތެރެއިން 1 މެޗުން އެއްވަރުވެ 3 މެޗުން މޮޅުވެ 10 ޕޮއިންޓް ލިބިގެންނެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އޮސްޓްރޭލިއާއިން ޓިއުނީޝިއާ ބަލިކޮށްފި

ވޯލްޑް ކަޕް 2022 ގެ ގްރޫޕް ޑީގައި މިއަދު ކުޅުނު މެޗުގައި އޮސްޓްރޭލިއާއިން ޓިއުނީޝިއާ ބަލިކޮށްފިއެވެ ގަތަރުގެ އަލް ...

ފަހަތުން އަރާ ބާސާ ބަލިކޮށް ޕީއެސްޖީ ސެމީއަށް

ޔުއެފާ ޗެމްޕިއަންސް ލީގުގެ ކުއާޓާ ފައިނަލުގެ ދެވަނަ ލެގުގައި ފަހަތުން އަރާ ބާސެލޯނާ ބަލިކޮށް، މުބާރާތުގެ ސެމީ ފައިނަލުން ...

ހީނާ އެކެޑެމީގެ ޓީމަކާ ހުޅުމީދޫ އީޓީއެފްގެ ޓީމަކާ ދެމެދު ކުޅެވޭ އެކުވެރިކަމުގެ ފުޓްބޯޅަމެޗް ހުކުރުދުވަހު ހަވީރު

މަތީގައިވާ ފޮޓޯއާއި ތިރީގައިވާ ފޮޓޯތަކުން ފެނިވަޑައިގަންނަވަނީ ކުރީގެ ކޯޗު އަހުމަދު ސަލީމް (ހީނާ އަހުމަދު ސަލީމު ) ގެ ...