ޖޯލިއަންސް މިކްސް ވޮލީބޯޅަ މުބާރާތުގެ ނަމުގައި މިހާރު ފޭދޫގައި ކުރިއަށްދާ ވޮލީ މުބާރާތުގައި ރޭ ކުޅެވުނުމެޗް ޓީމް އަލްފައިން ކާމިޔާބުކޮށްފިއެވެ.
ފޭދޫ ވޮލީ ކޯޓްގައި ރޭ ކުޅެވުނު މިމެޗް ޓީމް އަލްފައިން ކާމިޔާބުކުރީ ޓީމް އެވަގްރީންއާއި ބައްދަލުކޮށް 3 ސެޓް 1 ސެޓުންނެވެ.
މިމެޗްގެ ކްއީން އޮފްދަ މެޗަކަށް ހޮވުނު އެވަގްރީންގެ ހައްވާ އާސިމާ ހަސަންއަށް ކްއީން އޮފްދަމެޗްގެ އިނާމް ހަވާލްކޮށްދެއްވީ ރޭގެ މެޗްގެ ޝަރަފްވެރިކޮށް ދެއްވި ދެބޭފުޅުންގެ ތެރެއިން އައްޑޫސިޓީ އަންހެނުންގެ ތަރައްގީއަށް މަސައްކަތްކުރައްވާ ކޮމިޓީގެ 2 ވަނަ ދައުރުގެ ރައީސާ ޝެހެނާޒް ރަޝީދެވެ.
މިމެޗްގެ މޭން އޮފްދަމެޗަކަށް ހޮވުނު ޓީމް އަލްފައިންގެ އިބްރާހިމް މޫނިސަށް މޭން އޮފްދަމެޗްގެ އިނާމު ހަވާލްކޮށްދެއްވީ ރޭގެ މެޗް ޝަރަފްވެރިކޮށްދެއްވި ދެބޭފުޅުންގެތެރެއިން ފޭދޫ އަވަށު އޮފީހުގެ އެސިސްޓެންޓް ޑިރެކްޓަރ މޫސާ ނަސީރެވެ.
ކޮމެންޓްސް (0)