އައްޑޫ ސިޓީ ގަމުން ދަތުރުކުރާ މީހުންނަށް ސްރީލަންކަންގެ “މީލް ޕްރީ-އޯޑަރ”

އަންނަ ނޮވެމްބަރު މަހުގެ 1 ވަނަ ދުވަހުން ފެށިގެން އައްޑޫ ސިޓީ ގަމުން ދަތުރުކުރާ ފަރާތްތަކަށް އެމީހަކު ބޭނުން މީލް ޕްލޭނެއް އޯޑަރ ކުރެވޭނެ ޚިދުމަތެއް ފެށުމަށް ސްރީލަންކަން އެއާލައިންސްއިން ނިންމައިފިއެވެ.

ސްރީލަންކަން އެއާލައިންސްއިން ބުނީ އައްޑޫ ސިޓީ ގަމުން ދަތުރުކުރާ މީހުން ފުރުމުގެ 48 ގަޑިއިރު ކުރިން އެމީހަކު ބޭނުން މީލް ޕްލޭނެއް އޯޑަރ ކުރެވޭނެ ކަމަށާއި، މީލް އޯޑަރ ކުރައްވަން ބޭނުންވާ ފަރާތްތަކުން ފޭދޫގައި ހުންނަ ސްރީލަންކަންގެ ޓިކެޓް އޮފީހަށް ގުޅުމުން އެކަން ހަމަޖެހިގެންދާނެ ކަމަށްވެސް ސްރީލަންކަންއިން ބުނެއެވެ.

މީލް ޕްރީ-އޯޑަރ ކުރަން ބޭނުންވާ ފަރާތްތަކަށް ސްރީލަންކަންގެ ވެބްސައިޓް މެދުވެރިކޮށް މީލް ޕްލޭންތަކުގެ މެނޫ ބަލާލެވޭނެކަމަށްވެސް އެއެއާލައިނުން ބުނެއެވެ. މީލްތަކުގެ އަގު އުޅެނީ 10 ޑޮލަރާއި 25 ޑޮލަރާ ދެމެދުގެ އަގުތަކެއްގައި ކަމަށްވެސް އެ އެއާލައިނުން ބުނެއެވެ.

މީގެ އިތުރުން، ކުރިއަށްއޮތް ސްކޫލް ބަންދާ ދިމާކޮށް އައްޑޫސިޓީ ގަމާއި ބަންގްލަދޭޝްގެ ވެރިރަށް ޑާކާއާ ދެމެދު ދަތުރުކުރާ ފަރާތްތަކާއި ތައިލެންޑްގެ ވެރިރަށް ބެންކޮކުން ގަމަށް ދަތުރުކުރާ ފަރާތްތަކަށް ވަރަށް ޚާއްސަ ބެގޭޖް ޕްރޮމޯޝަނެއްވެސް ސްރީލަންކަން އެއާލައިންއިން ފަށައިފާއިވާކަމަށާ ގަމާއި ޑާކާއާ ދެމެދު އަދި ބެންކޮކުން ގަމަށް ދަތުރުކުރާ ފަރާތްތަކަށް ބެގެޖް އެލަވެންސްގެ ގޮތުގައި 40ކިލޯ ލިބޭނެ ކަމަށްވެސް އެއެއާލައިނުން ބުނެއެވެ.

އަހަރީ ޗުއްޓީއާ ދިމާކޮށް ސްރީލަންކަން އެއަރލައިންއިން އައްޑޫސިޓީއިން ދަތުރުކުރާ މަންޒިލްތަކަކީ ދިވެހިން ޢާންމު ގޮތެއްގައި ޗުއްޓީއަށާއި، ބޭސްފަރުވާއަށާއި ޒަރޫރީ އެހެނިހެން ބޭނުންތަކަށް ދަތުރުކުރާ މަންޒިލްތައްކަން ފާހަގަ ކުރެވެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

މީދޫގެ  6 މިސްކިތެއްގައި މިއަހަރު ރަމަޟާންމަހު ތަރާވީޙް ނަމާދުކުރަން ފަށައިފި

އައްޑޫސިޓީ މީދޫގެ  6 މިސްކިތެއްގައި މިއަހަރު ރަމަޟާންމަހު ތަރާވީޙް ނަމާދުކުރަން ފަށައިފިއެވެ. ރަމަޝާންމަހު ތަރާވީހު ނަމާދުކުރާ މިސްކިތްތަކާއި އިމާމުން ...

ކޯވިޑް-19 : އިތުރު 4 މީހަކު ޕޮޒިޓިވް ވެއްޖެ

ނުރައްކާތެރި ކޮވިޑް-19 އަށް އިތުރު ހަތަރު މީހުން ޕޮޒިޓިވް ވެއްޖެއެވެ. އެޗްޕީއޭ އިން ދާދިދެންމެ ހާމަކޮށްފައިވާގޮތުން ، ރާއްޖެއިން ...

މީދޫގައި ބޮޑު ޖަމާއަތުގައި އީދު ނަމާދުކޮށްފި

މީދޫގައި އަޟްހާ ޢީދު ނަމާދު ބޮޑު ޖަމާއަތުގައި ކޮށްފިއެވެ. މީދޫގައި ބޮޑުޖަމާއަތުގައި މިއަދު އީދު ނަމާދު ކޮށްފައިވަނީ  ޝަމްސުއްދީން ...