“ރައްޔިތުން ސިނަމާލޭ ބުރިޖް ވެދުމާދިއުން” މިނަމުގައި އިއްޔެ ސިނަމާލެ ބްރިޖްގައި ޙާއްސަ ހަރަކާތްތަކެއް ބާއްވައިފި

“ރައްޔިތުން ސިނަމާލޭ ބުރިޖް ވެދުމާދިއުން” މިނަމުގައި އިއްޔެ ސިނަމާލެ ބްރިޖްގައި ބޭއްވި ޙާއްސަ ހަރަކާތްތަކުގައި 85 ހާހަށްވުރެ ގިނަ މީހުން ބައިވެރިވެއްޖެއެވެ.
ރައީސުލްޖުމްހޫރިއްޔާގެ އަނބިކަނބަލުން ފާތުމަތު އިބްރާހީމް ޝަރަފްވެރިކޮށްދެއްވި  މި ހަރަކާތް ފެށްޓެވުމުގެ ގޮތުން ކުރިއަށްގެންދިޔަ ޙާއްސަ ދުޢާއަށްފަހު  ގިނަ އަދަދެއްގެ ޙާއްސަ އެހީއަށް ބޭނުންވާ ފަރާތްތަކާއެކު ފާތުމަތު އިބްރާހީމް  ވަނީ ބްރިޖްގެ މެއިން ގޭޓް ހުރަސްކުރައްވާފައެވެ.

ޤައުމީ ހަރަކާތެއްގެ ގޮތުގައި އާއްމުކޮށް ހުޅުވާލައިގެން ކުރިއަށްގެންދިޔަ މި ހަރަކާތުގައި ގިނަ އަދަދެއްގެ އާއްމުންނާއި  ސަރުކާރާއި ދަޢުލަތުގެ އިސްވެރިންނާއި އެކި އުމުރު ފުރައިގެ ޢާއްމުން ބައިވެރިވިއެވެ.

މި ހިނގާލުމުގެ ތެރެއިން ރާއްޖޭގެ ހުރިހާ އަތޮޅެއް ތަމްޞީލުވާނެހެން ގިނަ އަދަދެއްގެ އާއްމުން ބައިވެރިވެފައިވާއިރު، ބައެއް ރަށްރަށުން ސާގާފީ ހުށަހެޅުންތައްވެސް ކުރިއަށްދިޔައެވެ.

ދިވެހިންގެ ހުވަފެންތަކާއި ގުޅިފައިވާ މި އުއްމީދީ ބްރިޖު ހުރަސްކޮށް ހިނގާލުމުގެ ފުރުޞަތު ފުރަތަމަ ފަހަރަށް އާއްމުންނަށް ދީފައިވާއިރު، އާއްމުން މިކަން ބަލައިގެންފައިވަނީ ވަރަށްވެސް ޝުކުރުވެރި ހިތްތަކަކާއެކުކަން އެމީހުން ފާހަގަކުރިއެވެ.

ސިނަމާލޭ ބްރިޖުގައި ހިނގާލުމުގެ ފުރުޞަތު ފުރަތަމަ ފަހަރަށް އާއްމުންނަށްދީފައިވާއިރު، އާއްމު ދަތުރުފަތުރު ކުރުމަށް ބްރިޖް ރަސްމީކޮށް ހުޅުވާލުމަށް ހަމަޖެހިފައިވަނީ މިމަހުގެ 7 ވާ ހުކުރު ދުވަހުއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ކޮވިޑް 19 – ހުޅުދޫން އަލަށް 5 މީހުން ޕޮޒިޓިވްވެއްޖެ

ހުޅުދޫން އަލަށް 3 މީހުންނާއި ދެކުޑަކުދީން  ކޮވިޑް-19 އަށް ޕޮޒިޓިވް ވެއްޖެއެވެ. ސިއްހީމަރުކަޒުން މައުލޫމާތު ދެއްވި ގޮތުގައި ހުޅުދޫން ...

މި އަހަރުގެ ރެހެންދި އެވޯޑް ތިން ކަނބަލަކަށް

ރެހެންދި އެވޯޑް” މިއަހަރު 3 ކަނބަލަކަށް ދެއްވައިފިއެވެ. ބައިނަލްއަޤްވާމީ ގޮތުން މިއަދު ފާހަގަކުރާ އަންހެނުންގެ ދުވަހުގެ މުނާސަބަތުގއި ބޭއްވި ...

ދުވާލަކު 1000 ޓެސްޓްކޮށް، އަތޮޅުތަކުގައި ޓެސްޓްކުރަން ފަށަނީ

މާލޭ ސިޓީން ކޯވިޑް-19އަށް ޓެސްޓްކުރުމުގެ ކެޕޭސިޓީ 1000 އިތުރުކޮށް ޖޫންމަހުގެ ކުރީކޮޅު އަތޮޅުތަކުގައި ޓެސްޓްކުރެވޭނެ އިންތިޒާމް ހަމަޖެއްސުމަށް މަސައްކަތް ...