ރާއްޖޭގައި މުއާސަލާތީ ހިދުމަތް ފުޅާ ދާއިރާއެއްގައި ދޭ އުރީދޫގެ ކަސްޓަމަރުންނަށް މީޑިއާނެޓްގެ ޗެނަލްތައް ފޯނާއި ސްމާޓް ޑިވައިސްތަކުން ބެލޭނެ ޑޭޓާ ޕެކޭޖްތަކެއް އުރީދޫއިން ތައާރަފްކޮށްފި އެވެ.
އުރީދޫއިން ހާމަކޮށްފައިވާ ގޮތުގައި އެކުންފުނިން ތައާރަފްކުރި ޕެކޭޖްތަކަކީ މޮބައިލް ފޯނު ފަދަ ސްމާޓް ޑިވައިސްތައް މެދުވެރިކޮށް، ފަސޭހަކަމާއި އެކު މީޑިއާނެޓްގެ އޯޕަން މައިޓީވީގައި ހިމެނޭ ޗެނަލްތައް ބެލޭނެ ޕެކޭޖްތަކެއް ކަމަށެވެ. އޯޕަން މައިޓީވީއަކީ މީޑިއާ ނެޓްގެ ޗެނަލްތައް ސްމާޓް ޑިވައިސްތަކުން ބެލުމަށް ހަދާފައިވާ އެޕްލިކޭޝަނެކެވެ.
މީޑިއާނެޓުން ތައާރަފްކޮށްފައިވާ އޯޕަން މައިޓީވީ އަކީ ސްމާޓް ޑިވައިސްތަކުގައި، މީޑިއާނެޓްގެ 50 ޗެނަލް ލައިވްކޮށް ބަލާލުމަށް ދިވެހި ކަސްޓަމަރުންނަށް މަގުފަހިކޮށްދޭގޮތައް ތައާރަފްކޮށްފައިވާ އެޕްލިކޭޝަނެކެވެ.
މީޑިއާނެޓުން ހާމަކޮށްފައިވާގޮތުގައި އޯޕަން މައިޓީވީގެ ހިދުމަތް ދިނުމަށް މީޑިއާނެޓާ އުރީދޫގެ ބައިވެރިވުމަކީ ޓީވީ ބަލާލުމުގެ ތަޖުރިބާ ކަސްޓަމަރުންނަށް ރަގަޅުކޮށް، އިތުރަށް ފަސޭހަކޮށްދިނުމަށް މީޑިއާނެޓުން ކުރާ މަސައްކަތަށް ލިބުނު އިތުރު ހިތްވަރެއް ކަމަށެވެ. އަދި މި ޕާޓްނާޝިޕްގެ ސަބަބުން އޯޕަން ޓީވީގެ ތަޖުރިބާ އިތުރަށް ފުރިހަމަވެ، ކަސްޓަމަރުންނަށް އިތުރު ފައިދާތައް ލިބޭނެކަމަށްވެސް މީޑިއާނެޓުން ހާމަކޮށްފައިވެއެވެ.
އޯޕަން މައިޓީވީގައި ހިމެނޭ ޗެނަލްތައް ބެލުމަށް އުރީދޫ ވަނީ ދެ ޕެޖޭއް ތައާރަފްކޮށްފަ އެވެ. އެގޮތުން މަހަކު 99ރ. ދެއްކުމުން ހަތަރު ޖީބީ ލިބޭ ޕެކޭޖަކާއި މަހަކު 149ރ. އަށް 8 ޖީބީ ލިބޭ ޕެކޭޖެއް ވެސް ހިމެނެ އެވެ. އެ ޕެކޭޖްތަކުގެ މުއްދަތަކީ އެއް މަސް ދުވަހެވެ.
އުރީދޫން ބުނީ އޯޕަން މައިޓިވީ އެޕްލިކޭޝަން މެދުވެރިކޮށް ފަސޭހަކަމާއި އެކު އެ ޕެކޭޖުތައް ގަނެވޭނެ ކަމަށެވެ. އޯޕަން މައިޓީވީ އަކީ މީޑިއާނެޓްގެ ހުރިހާ ކަސްޓަމަރުންނަށް ހުޅުވާލާފައިވާ އެޕެކެވެ.
ސްމާޓްފޯން، ޓެބްލެޓް އަދި އެންޑްރޮއިޑް ޓީވީ ފަދަ ކޮންމެ ސްމާޓް ޑިވައިސްއެއް މެދުވެރިކޮށް މައިޓީވީގައި ހިމެނޭ ޗެނަލްތައް ބަލައިލެވޭނެ އެވެ. އޭގެ އިތުރުން ގޫގްލް ޕްލޭ ސްޓޯ އަދި އެޕަލް ސްޓޯ މެދުވެރިކޮށް ވެސް ޑައުންލޯޑު ކޮށްގެން، ނުވަތަ www.openmitv.mv މެދުވެރިކޮށް ވެސް މައިޓީވީ ބަލާލެވޭނެ އެވެ. އަދި މީޑިއާނެޓްގެ ޔޫސާނޭމް އާއި ޕާސްވޯޑު ބޭނުންކޮށްގެން، ފަސޭހަކަމާ އެކު އޮންލައިންކޮށް މައިޓީވީއަށް ރަޖިސްޓަ ވެސް ކުރެވޭނެ އެވެ.
ކޮމެންޓްސް (0)