އަދީބު ހައްދަވަނީ އިތުރުފުޅެއް، ރިޟްވާންގެ މައްސަލައަށް ރައީސް ނުފޫޒެއް ނުފޯރުވާ – ޝައިނީ

ކުރީގެ ނައިބު ރައީސް އަހުމަދު އަދީބު ވިދާޅުވި ކަމަށްބުނެ ލޯޔަރުން ނެރުއްވި ބަޔާނުގައި ރައީސުލްޖުމްހޫރިއްޔާ އަބްދުﷲ ޔާމީނާއި ގުޅޭގޮތުން ހައްދަވާފައިވަނީ އިތުރުފުޅުކަމަށް ފިޝަރީޒް މިނިސްޓަރު ޑރ. މުޙައްމަދު ޝައިނީ ވިދާޅުވެއްޖެއެވެ.

ކުށުގެ ތުޙުމަތުގައި ޖަލު ޙުކުމެއްގައި ހުންނެވި އަހުމަދު އަދީބު އޭނާގެ ލޯޔަރުން މެދުވެރިކޮށް ނެރުއްވި ބަޔާނެއްގައި ބުނެފައިވަނީ ނޫސްވެރިޔާ ރިޟްވާންގެ މައްސަލައިގައި ކެބިނެޓަށް އެކަން ހުށަހެޅުއްވުމުން އެކަން ހުއްޓުވީ ރައީސް ޔާމީން ކަމަށެވެ.

އަދީބުގެ މިވާހަކަތައް ދޮގުކުރައްވާ ޝައިނީ މިއަދު ކުރެއްވި ޓުވީޓެއްގައި ވިދާޅުވީ މިސަރުކާރު ފެށުނީއްސުރެއް ކެބިނެޓުގައި ހުންނެވި މިނިސްޓަރެއްގެ ހައިސިއްޔަތުން އަދީބު ހައްދަވާފައިވަނީ އިތުރުފުޅެއްކަމަށް ހެކިވެވަޑައިގަންނަވާކަމަށެވެ.

ޝައިނީ ވިދާޅުވީ ރައީސް ޔާމީން އަބަދުވެސް އިރުޝާދު ދެއްވަނީ ރިޟްވާނުގެ މައްސަލައިގެ ހަޤީޤަތް ހޯދުމަކަށްކަމަށެވެ.

އަދީބުގެ ވާހަކަތަކަށް ރައްދުދެއްވާ ރައީސް ޔާމީންވެސް މިއަދު ވަނީ ވާހަކަފުޅުދައްކަވާފައެވެ. އެމަނިކުފާނު ވިދާޅުވީ ކެބިނެޓަށް އެމައްސަލަ ހުށަހެޅިގެން ކެބިނެޓު ފެންވަރުގެ މަސައްކަތްތަކެއް ދުވަހަކުވެސް ކުރެވިފައިނުވާކަމަށެވެ. އަދި އެކަމަށް ކެބިނެޓުގެ އެހެން މިނިސްޓަރުންވެސް ހެކިވެވަޑައިގަންނަވާނެކަމަށް ރައީސް ވިދާޅުވިއެވެ.

އަދި ރައީސް ޔާމީން ވަނީ ޤައިދީން ހައްދަވާ ދޮގުތައް ނޫސްތަކުގައި ޝާޢިއު ކުރާތީ އެކަމާ ހިތާމަކުރައްވާކަމަށްވެސް ވިދާޅުވެފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އެމްއެމްޕީއާރުސީގެ ޚިޔާނާތް

ރަށްތަކާ ފަޅުތައް ވިއްކައިގެން އެމްއެމްޕީއާރުސީއަށް ލިބެންޖެހޭ ފައިސާ ރަށްޔިތުންގެ މަޖިލުހުގެ ބައެއް މެމްބަރުންނަށްވެސް ލިބިފައިވާކަމަށް ތުހުމަތުކުރެވޭ މައްސަލަ ތަހުގީގު ...

ކޯވިޑް-19 : ރާއްޖެއިން ރަނގަޅުވި މީހުންގެ އަދަދު 29 އަރައިފި

ރާއްޖެއިން ކޯވިޑް-19އަށް ޕޮޒިޓިވްވި މީހުނގެ ތެރެއިން އިތުރު 9 މީހަކު ބަލިން ރަނގަޅުވެއްޖެއެވެ. ނޭޝަނަލް އިމަރޖެންސީ އޮޕަރޭޝަން ސެންޓަރުން ...

ރިސޯޓުތަކަށް ބަނގުރަލާ އޫރުމަސް އުފުލާ އުޅަނދުތަކުގައި ޓްރެކިންގް ޑިވައިސް ހަރުކުރަނީ

ހުއްދަ ދެވިފައިވާ ރިސޯޓުތަކާ ސަފާރީތަކަށް ބަނގުރަލާ އޫރުމަސް އުފުލާ އުޅަނދުތަކުގައި ޓްރެކިންގް ޑިވައިސް ހަރުކުރަން މޯލްޑިވްސް ކަސްޓަމްސް ސަރވިސްއިން ...