ފޭދޫ ސްކޫލުން އެޓީމުގެ ފުރަތަމަ މޮޅު ހޯދައިފި

އައްޑޫސިޓީގެ ސްކޫލްތަކުގެ މެދުގައި ބޭއްވޭ މައިލޯ އިންޓަރ ސްކޫލް ފުޓްބޯޅަ މުބާރާތުގައި މިއަދު ހަވީރު  ކުޅެވުނު 16 އަހަރުން ދަށުގެމެޗް ފޭދޫސްކޫލްގެ ޓީމްެ ކާމިޔާބުކޮށްފިއެވެ.

ހިތަދޫ ސްޓޭޑިއަމްގައި ކުޅެވުނު މިމެޗް ފޭދޫ ސްކޫލްގެ ކާމިޔާބުކޮށްފައިވަނީ އިރުޝާދިއްޔާ ސްކޫލްގެ ޓީމާ ވާދަކޮށް 1 ލަނޑު 0 ލަނޑުންނެވެ.

މިމެޗްގައި ފޭދޫ ސްކޫލްޓީމުން ކާމިޔާބުކުރި  ހަމައެކަނި ލަނޑު މެޗްގެ 37 ވަނަ މިނިޓްގައި ކާމިޔާބުކޮށްދިނީ ހިސާމު ނަސީރެވެ.

މިމުބާރާތުގައި ފޭދޫ ސްކޫލްގެ ޓީމު މީގެ ކުރީން ކުޅުނު ދެމެޗުންވެސް ވަނީ ބަލިވެފައެވެ. އެހެން ކަމުން ފަސްޓީމު ވާދަކުރާ މިމުބާރާތުގައި ފޭދޫ ސްކޫލްޓީމަށް 3 މެޗް ކުޅެގެން ލިބިފައިވަނީ 3 ޕޮއިންޓެވެ.

މިއަދުގެ މެޗުން ދެރަވި އިރުޝާދިއްޔާ ސްކޫލްގެ ޓީމު މީގެ ކުރީން ކުޅުނު ދެމެޗުގެ ތެރެއިން އެއްމެޗުން މޮޅުވެ އެއްމެޗުން ވަނީ ދެރަވެފައެވެ. އެހެންކަމުން އެޓީމަށްވެސް ތިންމެޗު ކުޅެގެން ލިބިފައިވަނީ 3 ޕޮއިންޓެވެ.

16 އަހަރުން ދަށުގެ އުމުރުފުރައިގެ ޕޮއިންޓް ޓޭބަލަށް ބަލާއިރު ތިންމެޗުން 5 ޕޮއިންޓް ލިބިގެން ޕޮއިންޓް ޓޭބަލްގެ އެއްވަނާގައި މިވަގުތު އޮތީ ޝަރަފުއްދީން ސްކޫލެވެ. ޕޮއިންޓް ޓޭބަލްގެ ދެވަނާގައި އޮތީ 3 މެޗުން 4 ޕޮއިންޓް ލިބިފައިވާ ހިތަދޫ ސްކޫލްގެ ޓީމާއި 2 މެޗުން 4 ޕޮއިންޓް ލިބިފައިވާ އަތޮޅުމަދަރުސާގެ ޓީމެވެ.

މިމުބާރާތުގެ 16 އަހަރުން ދަށުގެ އުމުރުފުރާގައި ބައިވެރިވެފައިވާ 5 ޓީމް ކޮންމެޓީމަކާ ކޮންމެޓީމެއް އެއްފަހަރު ބައްދަލުކުރުމަށްފަހު އެންމެގިނަ ޕޮއިންޓް ހޯދާ ދެޓީމް ފައިނަލަށް ހޮވޭނެއެވެ.