28 އަހަރުފަހުން އިނގިރޭސިން ވޯލްޑްކަޕް ފުޓްބޯޅަ މުބާރާތުގެ ސެމީ ފައިނަލަށް ދަތުރުކޮށްފިއެވެ.
28 އަހަރަށް ފަހު އިނގިރޭސިވިލާތަށް ފީފާ ވޯލްޑް ކަޕްގެ ސެމީފައިނަލުން ޖާގަލިބުނީ ކުއާޓާ ފައިނަލުގެ 3 ވަނަ މެޗްގައި ރޭ ސްވިޑަން އަތުން 2-0 ގެ ނަތީޖާއަކުން މޮޅުވެ ސެމީ ފައިނަލަށް ދަތުރުކުރުމާ ގުޅިގެންނެވެ.
1900 ވަނަ އަހަރަށް ފަހު އިނގިރޭސީން ވޯލްޑް ކަޕްގެ ސެމީ ފައިނަލަށް ދަތުރުކުރީ ޑިފެންޑަރ ހެރީ މެކްގަޔާ އަދި ޑެލޭ އަލީ ކާމިޔާބުކުރި ދެ ލަނޑާއެކުގައެވެ.
ރޭގެ މެޗުގައި އިނގިރޭސިޓީމުގެ ފަރާތުން މޮޅު ކުޅުމެއް ފެނިގެންދިޔައިރު އިނގިރޭސިވިލާތުގެ ޒުވާން ގޯލްކީޕަރު ޕިކްފޯޑްގެ ފަރާތުން މޮޅު ކުޅުމެއް ފެނިފައިވެ އެވެ. މިގޮތުން އިނގިރޭސިޓީމުގެ ގޯލާ އަމާޒުކޮށް ސްވިޑަން އިން ފޮނުވާލި ނުރައްކާތެރި ހަމަލާތައް ޕިކްފޯޑް ވަނީ ހުށިޔާރުކަމާ އެކު ދިފާއުކޮށްފައެވެ.
އިގިރޭސިޓީމާ ބައްދަލުކޮށް ރޭގެ މެޗުނުން ސްވިޑަން ބަލިވުމާ އެކު ސްވިޑަން ވަނީ އިގިރޭސިޓީމާ ދެކޮޅަށް އެންމެ ފަހުން ކުޅުނު ހަތަރު މެޗުގެ ތެރެއިން ތިން މެޗުން ބަލިވެފައެވެ.
ތާރީޚަށް ބަލާލާއިރު، 1979 ވަނަ އަހަރާއި 2006 ވަނަ އަހަރާ ދެމެދު މި ދެ ގައުމުގެ ދެމެދުގައި 12 މެޗު ކުޅެފައިވާ އިރު، އެއިން އެއްވެސް މެޗަކުން ސްވިޑަން ބަލިވެފައެއް ނުވެއެވެ.
ސެމީ ފައިނަލްގައި އިނގިރޭސިންނާ ބައްދަލު ކުރާނީ ކްރޮއޭޝިއާ އެވެ. މި މެޗު އޮންނާނީ އަންނަ ހޮނިހިރު ދުވަހުއެވެ.
ކޮމެންޓްސް (0)