ހުޅުމީދޫގައި ހުންނަ ވޭސްޓް މެނޭޖްމެންޓް ކޯޕަރޭޝަން (ވެމްކޯ) ގެ ސައިޓްގައި އިއްޔެ ރޯވި އަލިފާންގަނޑު ނިއްވާލެވުނު އިރު ކުނިކޮށީގެ އިމާރާތުގެ ބޮޑުބައެއް  ބޭނުން ނުކުރެވޭވަރަށް އަނދައިފިއެވެ.

މިދިޔަ އަހަރު އިމާރާތްކޮށް މަސައްކަތް ފަށާފައިވާ  ކުނިކޮށި އިމާރާތުގައި ރޯވި އަލިފާންގަޑު ނިއްވާލުމުގެ މަސައްކަތް ވެމްކޯގެ މުވައްޒަފުންނާއި ފުލުހުންނާއި  އާންމު ރައްޔިތުން އަދި ހުޅުމީދޫގައި ފާޚާނާ ހޮޅިވަޅުމުލުމުގެ މަސައްކަތްކުރަމުންދާ ސިއަރާ ކުންފުނީގެ މުވައްޒަފުންނާއި ތަކެތި ބޭނުން ކޮށްގެން ކޮށްފައިވެއެވެ.

އެހެން ނަމަވެސް އަލިފާންގަޑު ކޮންޓްރޯލް ކުރެވިފައިވަނީ  ސ.ހިތަދޫ ފަޔަރ ސްޓޭޝަންގެ ފަޔަރމަނުންނާއި ސަދަން އޭރިއާގައި މަސައްކަތްކުރާ ސިފައިން އަލިފާން ނިވަން ބޭނުންކުރާ އާލާތްތަކާއެކު އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ފެށުމުންނެވެ.

ސިފައިންނާއި ފުލުހުން އަދި އާންމު ރައްޔިތުން ގުޅިގެން ކުރި މަސައްކަތުން އަލިފާންގަނޑު އެއްކޮށް ކޮންޓްރޯލް ކުރެވިފައިވަނީ މިއަދު ހަވީރު 17:00 ހާއިރުއެވެ.

މިހާދިސާގައި އެ ސައިޓުގައި ހުރި ބައެއް މެޝިނަރީޒްތަކަށްވެސް ބޮޑެތި ގެއްލުންތަކެއް ވެފައިވާއިރު އެއްވެސް މީހަކަށް އަނިޔާއެއް ލިބިފައެއް ނުވެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އައްޑޫ ފިޝަރީޒް ކޮމްޕްލެކްސް މިއަހަރުގެ ޖުލައި މަހު ހުޅުވޭނެ ކަމަށް ލަފާކުރެވޭ: މިފްކޯ

މިފްކޯގެ އައްޑޫ ފިޝަރީޒް ކޮމްޕްލެކްސް މިއަހަރުގެ ޖުލައި މަހުގެ ތެރޭގައި ހުޅުވޭވަރު ވާނެ ކަމަށް މިފްކޯއިން ބުނެފިއެވެ. މިކަމާ ...

ޝަންގްރިއްލާ އަލުން ހުޅުވައި، އައްޑޫގައި ފަތުރުވެރިކަން ތަރައްޤީކުރާނީ މި ސަރުކާރުން: ފައިސަލް

އައްޑޫ ސިޓީގެ އެންމެ ބޮޑު ރިސޯޓު، ޝަންގްރިއްލާ އަލުން ހުޅުވުމަށްޓަކައި ގިނަ މަސައްކަތްތަކެއް ކުރަމުންދާ ކަމަށް ފަތުރުވެރިކަމާއި ބެހޭ ...