ކަޅިބިތް ފަރާތު ގޮޑު ދޮށުގައި ޖަހާފައިވާ " ޖިއޯބޭގް ރިވެޓްމެންޓް " ވަރަށް ބޮޑަށް ހަލާކުވެ ރޫޅެމުންދަނީ

މީދޫ ކަޅިބިތް ފަރާތު ގޮނޑުދޮށް ގިރާ ސަރަހައްދު ހިމާޔަތް ކުރުމުގެ މަޝްރޫއުގެ ދަށުން ކަޅިބިތް ފަރާތު ގޮޑު ދޮށުގައި ޖަހާފައިވާ ” ޖިއޯބޭގް ރިވެޓްމެންޓް ” ވަރަށް ބޮޑަށް ހަލާކުވެ ރޫޅެމުންދާން ފަށައިފިއެވެ.

މަތީގައިވާ ފޮޓޯއާއި ތިރީގައިވާ ފޮޓޯތަކުން ފެނިވަޑައިގަންނަވަނީ ކަޅިބިތް ފަރާތު ގޮޑު ދޮށުގައި ޖަހާފައިވާ ޖިއޯ ބޭގް ހަލާކުވެފައިވާ މަންޒަރު ދައްކުވައިދޭ ފޮޓޯތަކެކެވެ.

ކަޅިބިތް ފަރާތު ގޮޑު ދޮށުގައި ޖަހާފައިވާ ” ޖިއޯބޭގް ރިވެޓްމެންޓް ” ވަރަށް ބޮޑަށް ހަލާކުވެ ރޫޅެމުންދަނީ

މީދޫގެ ކަޅިބިތް ފަރާތު ގޮޑު ދޮށަކީ ވަރަށް ބޮޑަށް ގިރުމުގެ މައްސަލަ ކުރިމަތިވަމުން އަންނަ ސަރަހައްދަކަށްވާތީ ހަލާކުވެފައިވާ ޖިއޯ ބޭގްތައް މަރާމާތުކުރުމަކީ ކޮންމެހެން ކުރަންޖެހޭ މުހިއްމުކަމެކެވެ. އެހެންކަމުން މީދޫގެ ކަމާއިބެހޭ އިދާރާތަކުން މިކަންތައް ކަމާބެހޭ ފަރާތްތަކުގެ ސަމާލުކަމަށް ގެނެސްގެން ވީހާވެސް އަވަހަކަށް އެސަރަހައްދުން ހަލާކުވެފައިވާ ބޭގްތައް މަރާމާތުކުރުމަކީ ވަރަށް މުހިއްމުކަމެކެވެ.

ކަޅިބިތް ފަރާތު ގޮޑު ދޮށުގައި ޖަހާފައިވާ ” ޖިއޯބޭގް ރިވެޓްމެންޓް ” ވަރަށް ބޮޑަށް ހަލާކުވެ ރޫޅެމުންދަނީ

މީދޫކަޅިބިތް ފަރާތުގެ ގޮނޑުދޮށް ހިމާޔަތް ކުރުމުގެ މަސައްކަތަކީ އެމްޓީސީސީއާއި ހަވާލުކޮށް ކުރިއަށް ގެންދުވުނު މަޝްރޫއެކެވެ.

މި މަޝްރޫޢުގެ ދަށުން، 210 މީޓަރުގެ ސަރަހައްދެއްގައި ޖިއޯބޭގް ރިވެޓްމެންޓް ވަނީ ޖަހާފައެވެ.

މިނިސްޓްރީ އޮފް ނޭޝަނަލް ޕްލޭނިންގ ހައުސިންގ، އެންޑް އިންފްރާސްޓްރަކްޗަރ އިން އެމްޓީސީސީންއާއި ހަވާލްކޮށްގެން ކުރިއަށް ގެންދުވުނު މި މަޝްރޫޢަކީ 80.5 މިލިއަން ރުފިޔާގެ މަޝްރޫއެކެވެ.