ކޮވިޑް ބަލީގައި ފަރުވާދެމުންދިޔަ ޒުވާނަކު އައްޑޫސިޓީގައި ނިޔާވެއްޖެ

އައްޑޫސިޓީގައި ކޮވިޑް-19 ބައްޔަށް ފަރުވާ ދެމުން ދަނިކޮށް ޒުވާނަކު ނިޔާވެއްޖެ އެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ރޭ 20:00 ގައި ނިޔާވެފައި ވަނީ އުމުރުން 34 އަހަރުގެ ބަންގްލަދޭޝްގެ ފިރިހެނެއް ކަމަށެވެ.

އެމީހާ ނިޔާވެފައި ވަނީ އައްޑޫ ފޭދޫގެ ހެލްތު ސެންޓަރުގައި ފަރުވާދެމުންދަނިކޮށެވެ.

މިއީ ރާއްޖޭއިން ކޮވިޑް ބަލީގައި ނިޔާވި 265 ވަނަ މީހާއެވެ. އަދި އައްޑޫސިޓީން ކޮވިޑް ބަލީގައި ނިޔާވި 14 މީހާއެވެ.

 ކޮވިޑްބަލީގައި އައްޑޫއިން މީހަކު ނިޔާވިއިރު މި ބަލީގެ ހާލަތު މުޅި ރާއްޖެގައިވެސް މިހާރުދަނީ ހަލުވިކަމާއެކު ފެތުރެމުންނެވެ. އަދި އަތޮޅުތެރެއިން މިބަލީގެ ހާލަތު އެންމެ ގޯސްކޮށް އޮތީވެސް އައްޑޫސިޓީގައެވެ.