ބަންގްލަދޭޝްގެ ބޮޑުވަޒީރު ޝެއިހް ހަސީނާ ރާއްޖެއަށް ވަޑައިގެންފިއެވެ.
އެކަމަނާ ރާއްޖެއަށް ވަޑައިގަތުމުން އެކަމަނާ އަށް މަރުހަބާ ދެންނެވީ، ފޮރިން މިނިސްޓްރީގެ ސްޓޭޓް މިނިސްޓަރ އަހްމަދު އަލީ އެވެ.
މި ދަތުރުފުޅުގައި ރައީސް ސޯލިހު އާއި ބައްދަލު ކުރައްވާ ރާއްޖެއާއި ބަންގްލަދޭޝް އާއި ދެމެދު 04 އެއްބަސްވުމެއްގައި ސޮއި ކުރުމަށް ވަނީ ހަމަޖެހިފައެވެ.
ދެގައުމުގެ ދެމެދު ކުށްވެރިން ބަދަލު ކުރުމުގެ އެއްބަސްވުމެއްގައި ސޮއި ކުރުމަށްވެސް ވަނީ ހަމަޖެހިފައެވެ.
މީގެ އިތުރުން ބަންގްލަދޭޝް ސަރުކާރުން ރާއްޖޭގެ އަސްކަރިއްޔާ އަށް 13 އަސްކަރީ އުޅަނދެއް އެކަމަނާގެ މިދަތުރުފުޅުގައި ހަދިޔާ ކުރުމަށްވަނީ ހަމަޖެހިފައެވެ.
އެކަމަނާގެ މިދަތުރުފުޅުގައި ރައްޔިތުންގެ މަޖިލީހުގެ ޖަލްސާގައި ތަގުރީރު ކުރައްވަން ވަނީ ހަމަޖެހިފައެވެ.
advertisement
ކޮމެންޓްސް (0)