ފެނަކަ ހދ އަތޮޅުގެ މުވައްޒަފުންނަށް އެ ކޯޕަރޭޝަންގެ ފަރާތުން ހާއްސަ ޓްރެއިނިން ޕްރޮގްރާމެއް ބާއްވައިފި އެވެ. ފެނަކަ އިންސްޓިޓިއުޓް ފޯ ޓްރެނިންގ އެންޑް ރިސާޗްއިން ހދ. އަތޮޅުގައި ބޭއްވި ޓްރެއިނިންގ ޕްރޮގްރާމް ބާއްވާފައި ވަނީ ކުޅުދުއްފުށީފަ އެވެ.
ކުޅުދުއްފުށީގައި ބޭއްވުނު ޓްރެއިނިންގ ޕްރޮގްރާމްގައި ޓެކްނިކަލް އަދި އިލެކްޓްރިކަލް ދާއިރާއިން ޓްރެއިނިންގ ފޯރުކޮށްދީފައި ވެއެވެ. އަދި ޕްރެކްޓިކަލް ބައިގައި ވަޔަރު ކުރުމަށް ޓެސްޓުކޮށްފައި ވެއެވެ.
އެއް ދުވަހުގެ މުއްދަތަށް ބޭއްވި ޓްރެއިނިންގ ޕްރޮގްރާމްގައި ފެނަކައިގެ ކުޅުދުއްފުށީ ބްރާންޗުން ފަސް މުވައްޒަފުން ބައިވެރިވިއިރު، އެއަތޮޅުގެ އެހެން ކޮންމެ ބްރާންޗަކުން ދެ މުވައްޒަފުން ބައިވެރިވެފައިވެއެވެ. ނަމަވެސް މިވަގުތު މޮނީޓަރިންގެ ހާލަތުގައި އޮތުމުން މަކުނުދޫއާއި ނޭކުރެންދޫގެ މުވައްޒަފުންނަށް މިޓްރެއިނިންގ ޕްރޮގްރާމްގައި ބައިވެރިވެވޭގޮތް ވަނީ ނުވެފައެވެ.
ފެނަކައިން ހާމަކޮށްފައިވާގޮތުން މިފަދަ ޓްރެއިންގ ޕްރޮގްރާމް މި މަހުގެ ތެރޭގަި ނ. ވެލިދޫގައި ބޭއްވޭނެއެވެ. މި ޕްރޮގްރާމްގައި ، ނ. އަތޮޅުގެ ހުރިހައި ބްރާންޗަކުން ބައިވެރިވާނެ ކަމަށް ފެނަކައިން ވަނީ ހާމަކޮށްފައެވެ.
ކޮމެންޓްސް (0)