ދުނިޔޭގެ އެކި ޤައުމުތަކުގައި ހަލުއިކަމާއެކު ފެތުރެމުންދާ ކޮވިޑް-19ގައި މަރުވި މީހުންގެ ޢަދަދު ލައްކައަކަށް ވުރެ މަތިވެއްޖެއެވެ
ދުނިޔެއިން މިހާތަނަށް މިބަލީގައި 102،514 މީހުން މަރުވެފައިވާއިރު އިއްޔެގެ ނިޔަލަށް މިބަލި 1694،943 މީހުންނަށްވަނީ ޖެހިފައެވެ.
އިއްޔެ އެމެރިކާއިން އެކަނިވެސް މިބަލީގައި 1894 މީހުންނަށް ވަރުގިނަ މީހުންމަރުވެފައިވެއެވެ. ދެން އިއްޔެ މިބަލީގައި އެންމެ ގިނަ މީހުން މަރުވެފައިވަނީ އިގިރޭސިވިލާތުންނެވެ. އިގިރޭސި ވިލާތުން އިއްޔެ މިބަލީގައި 980 އަށްވުރެ ގިނަ މީހުން މަރުވެފައިވެއެވެ.
ދުނިޔޭގެ ސިއްޙަތު ޖަމްޢިއްޔާއިން ހާމަކޮށްފައިވާ ގޮތުގައި މިބަލީގައި އެއްލަކައަށްވުރެ ގިނަ މީހުން މަރުވެގެން ގޮސްފައިމިވަނީ މިބަލި ފެތުރެން ފެށިތާ 100 ދުވަސް ހަމަވި ދުވަހެވެ.
މިބަލީގައި މިހާތަނަށް އެންމެ ގިނަ މީހުން މަރުވެފައިވަނީ 18,849 މީހުން މަރުވެފައިވާ އިޓަލީންނެވެ. ދެވަނައަށް އެންމެ ގިނަ މީހުން މަރުވެފައިވަނީ 18585 މީހުން މަރުވެފައިވާ އެމެރިކާއިންނެވެ.
މިބައްޔަށް އެންމެ ގިނަ މީހުން ޕޮޒިޓިވްވެފައިވަނީ އެމެރިކާއިންނެވެ. އެމެރިކާއިން އިއްޔެ ނިޔަލަށް 500,131 މީހުން މިބައްޔަށްވަނީ ޕޮޒިޓްވެފައެވެ.
2019 ވަނަ އަހަރުގެ ޑިސެމްބަރު މަހުގެ ތެރޭގައި ޗައިނާއިން ފެތުރެން ފެށި މިބަލި ދުނިޔޭގެ 210 ޤައުމަކަށާއި، ސަރަޙައްދަށް މިހާރުވަނީ ފެތުރިފައެވެ
ކޮމެންޓްސް (0)