ގަލަސަތަރާއީގެ ކޯޗާއި ނާއިބް ރައީސް ކޮވިޑް19 އަށް ޕޮޒިޓިވް ވެއްޖެ

ތުރުކީގެ ގަލަސަތަރާއީގެ ކޯޗް ފާތިފް ތެރިންމާއާއި ނާއިބްރައީސް އަބްދުއްރަހީމް އަލްބާރަކު ކޮވިޑް19 އަށް ޕޮޒިޓިވް ވެއްޖެވެ.

ހޯމަދުވަހުގެ ވަގުތެއްގައި ގަލަސަތަރާއީގެ ކޯޗް ފާތިހު ތެރިމްވަނީ އޭނާ ކޮވިޑް19 އަށް ޕޮޒިޓިވް ވިކަން ޓުވިޓާ މެދުވެރިކޮށް ހާމަކޮށްފައެވެ. މީގެ ކުރީން ތުރުކީގެ ގައުމީޓީމަށްވެސް ކޯޗްކަން ކޮއްދެއްވި އުމުރުން 66 އަހަރުގެ ފާތިހް ތެރިމްބުނީ ކޮވިޑް19 އަށް ޕޮޒިޓިވްވިނަމަވެސް އޭނަގެ ހާލު ރަގަޅުކަމަށެވެ.

ކޮވިޑް19 އަށް ގަލަސަތަރާއީގެ ކޯޗް ޕޮޒިޓިވްވިއިރު  އެޓީމްގެ ނާއިބް ރައީސް އަބްދުއްރަހީމް އަލްބާރަކުގެ ދެކަބަލުންވަނީ ކޮވިޑް19 އަށް ޕޮޒިޓިވް ވެފައެވެ. އުމުރުން 65 އަހަރުގެ އަލްބާރަކުވަނީ ގަލަސަތަރާއީގެ ގިނަ މަގާމްތަކެއް ފުރުއްވާފައެވެ. 2014 ވަނަ އަހަރު ގަލަސަތަރާއީގެ ނާއިބް ރައީސްގެ މަގާމާއި އެންމެފުރަތަމަ ހަވާލްވުމަށްފަހު 2015 ވަނަ އަހަރު އޭނާ ވަނީ އެމަގާމުން ވަކިވެފައެވެ. އަދި އަލުން ނާއިބް ރައީސްކަމާ ހަވާލްވީ 2018 ވަނަ އަހަރުއެވެ.