Advertisement
އިލެކްޝަންސް ކޮމިޝަން (އީސީ) ގެ ކުރީގެ ނާއިބު ރައީސް އަޙުމަދު ފަޔާޒު މިއަހަރު ބާއްވާ ރައްޔިތުންގެ މަޖިލީހުގެ އިންޚާބުގައި ވާދަކުރައްވަން ނިންމަވައިފިއެވެ.
ފާޔާޒު ވިދާޅުވީ އޭނާ ވާދަކުރައްވާނީ ހެންވޭރު އުތުރު ދާއިރާގެ ގޮނޑިއަށެވެ. އެގޮނޑިއަށް އޭނާ ވާދަކުރައްވާނީ އަމިއްލަ ގޮތުންނެވެ.
ފަޔާޒަކީ އީސީ ގެ މެމްބަރު ކަމުގައި ހުންނަވަނިކޮށް ސުޕްރީމްކޯޓުގެ ޙުކުމަކުން ވަޒީފާއިން ވަކިކުރައްވައިފައިވާ ބޭފުޅެކެވެ. އޭނާ ވަނީ އެ މައްސަލަ މުރާޖަޢަ ކޮށްދެއްވުން އެދި ސުޕްރީމް ކޯޓަށް ހުށަހަޅުއްވަން ނިންމަވައިފައެވެ.
ފަޔާޒުގެ އިތުރަށް އީސީގެ އޭރުގެ ރައީސް ފުވާދު ތައުފީގުގެ ވަޒީ ވެސް ގެއްލިފައިވާ ކަމަށް ސުޕްރީމް ކޯޓުން ވަނީ ނިންމަވައިފައެވެ. ސުޕްރީމްކޯޓުން އެދެބޭފުޅުން ވަޒީފާއިން ވަކިކުރައްވައިފައިވަނީ އެމަޤާމްތަކުގައި ތިއްބެވުމުގެ ޤާނޫނީ ޙައިސިއްޔަތު ގެއްލިފައިވާ ކަމަށް ކަނޑައެޅުއްވުމަށް ފަހުގައެވެ.
އިލެކްޝަންސް ކޮމިޝަންގެ ރައީސް ފުއާދު ތައުފީގާއި ނާއިބު ރައީސް އަޙުމަދު ފަޔާޒު މެމްބަރުކަމުން ވަކިވެފައިވާ ކަމަށް ސުޕްރީމް ކޯޓުން ނިންމަވައިފައިވަނީ 2014 ވަނަ އަހަރުގެ މާރިޗު މަހުގައެވެ.
ކޮމެންޓްސް (0)