އައިއެސްއޭ ވޮލީ މުބާރާތުގެ ފައިނަލް މެޗުގައި ޓީމް ލެއްޗޭ ބަލިކޮށް ޓޫސިސްޓަރ ޗެމްޕިއަންކަން ހޯދައިފި އެވެ.
މިމަހުގެ 12 ވަނަ ދުވަހުގެރޭ މީދޫ އިޖްތިމާއީމަރުކަޒުގެ ވޮލީ ކޯޓްގައި ކުޅެވުނު މިމުބާރާތުގެ ފައިނަލްމެޗް ގައި ޓީމްލެއްޗޭއާއި ބައްދަލުކޮށް ޓޫސިސްޓަރ މޮޅުވެފައިވަނީ 3 ސެޓް 1 ސެޓުންނެވެ.
![](http://www.voiceofmeedhoo.info/wp-content/uploads/2018/11/run-up.jpg)
ފައިނަލްމެޗްގެ ފުރަތަމަ ސެޓް ހޯދާފައިވަނީ ޓީމްލެއްޗޭއިންނެވެ. 2 ވަނަ ސެޓާ 3 ވަނަ ސެޓް އަދި 4 ވަނަ ސެޓްގައިވެސް ޓީމް ލެއްޗޭއިން ކޮންމެ ފަހަރަކު ލީޑު ހޯދިކަމުގައިވިޔަސް އެލީޑު އެޓީމަށް ނުހިފެއްޓި ކޮންމެސެޓެއްވެސް ފަހަތުން އަރައި ޓޫސިސްޓަރވަނީ ކާމިޔާބުކޮށްފައެވެ.
![](http://www.voiceofmeedhoo.info/wp-content/uploads/2018/11/ummedhi-f.jpg)
ފައިނަލްމެޗް ނިމުމުން މުބާރާތުގެ ނަތީޖާ ފާޅުކޮށް އިނާމު ދިނުމުގެ ރަސްމިއްޔާތުބޭއްވުނެވެ.
ފައިނަލް މެޗު އެންމެ މޮޅު ކުޅުންތެރިޔާ މަގާމަށް ހޮވުނު ޓޫސިސްޓަރގެ ޝަފްނީޒް ( ރާއީ ) އަށް ޓްރޮފީ ހަވާލްކޮށްދެއްވީ މީދޫ ކައުންސިލަރު ހިޔާޟުއެވެ.
![](http://www.voiceofmeedhoo.info/wp-content/uploads/2018/11/ummidi-A.jpg)
އުންމީދީ ފިރިހެން ކުޅުންތެރިޔާގެ މަގާމަށް ހޮވުނު ޓީމް ލެއްޗޭގެ މުހައްމަދު އާއިޝްއާއި ޓްރޮފީ ހަވާލްކޮށްދެއްވީ އަބްދުއްރަހުމާންއެވެ. އުއްމީދީ އަންހެން ކުޅުންތެރިޔާގެ މަގާމަށް ހޮވުނު ޒައިނާއާއި ޓްރޮފީ ހަވާލްކޮށްދެއްވީ އިބްރާހިމް ސަމީއުއެވެ.
![](http://www.voiceofmeedhoo.info/wp-content/uploads/2018/11/6.jpg)
މިމުބާރާތުގެ އެންމެ މޮޅު 7 ކުޅުންތެރިންނަށް ޓްރޮފީ ހަވާލްކޮށްދެއްވީ ރަޝީދާއާއި ދޮންދީއެވެ. މިމުބާރާތުގެ އެންމެ މޮޅު 7 ކުޅުންތެރީންނަށް ހޮވިފައިވަނީ ޓީމް ޓޫސިސްޓަރގެ ޝަފްނީޒް އާއި ޓީމްލެއްޗޭގެ މަރިޔަމް ޖަޒުމީނާ ، އަދި އެޓީމުގެ އާމިނަތު ނަވާއިމްއާއި އަހުމަދު އާނިސްއެވެ. އަދި މީގެ އިތުރަށް މޮޅު 7 ކުޅުންތެރީންގެ ތެރޭގައި ހިމެނެނީ ޓޫސިސްޓަރގެ ފައިޒުއެވެ.
ކޮމެންޓްސް (0)