ފައިނުން ބަންޑާރަ ގޯތި ދޫކުރުމަށް މިދިޔަ އަހަރު ފައިނު ކައުންސިލުން ހުޅުވާލި ފުރުސަތުގައި ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން ޕޮއިންޓް ހޯދައިގެން ގޯތިލިބޭ ފަރާތްތަކަށް ގޯތި ހަވާލު ކޮށްފިއެވެ.
މިކަމަށްޓަކައި މިމަހުގެ 8 ވަނަ ދުވަހު ފައިނުގައި ބޭއްވި ޖަލްސާއެއްގައި ވަނީ ގޯތި ލިބުނު 30 ފަރާތުގެ ގުރުއަތުލުން ވެސް ބާއްވާފައެވެ. އަދި ގުރުއަތުލުމަށްފަހު ވަނީ ގޯތިތަކުގެ ވަގުތީ ރަޖިސްޓްރީ އެ ފަރާތްތަކާއި ހަވާލު ކޮށްފައެވެ.
ފައިނުން ގޯތި ލިބުނު ފަރާތްތަކާއި ގޯތި ހަވާލް ކުރުމުގެ ރަސްމިއްޔާތުގެ ތެރެއިން
މި ފަހަރު ފައިނުން ގޯއްޗަށް އެދުމަށް ހުޅުވާލި ފުރުސަތުގައި ޖުމުލަ 66 ފަރާތަކުން ވަނީ ގޯއްޗަށް އެދި ފޯމް ހުށަހަޅާފައެވެ.
މިއަދު އޮތް ޖަލްސާގައި ފައިނު ކައުންސިލުން ބުނީ، ގޯތިތަކުގެ އިންފާހަގަ ކުރުމުގެ މަސައްކަތް ކުރިއަށް އޮތް ހަފްތާއެއްހާ ދުވަސްތެރޭ ނިންމާލުމަށް މަސައްކަތް ކުރާނެ ކަމަށާއި، އަދި ގޯތިތައް ހިމެނޭ ސަރަހައްދުގައި އޮންނަ މަގާއި ގޯޅިތަކުގައި ހުރި ރުއްގަސް ނަގާ ބިން ސާފު ކުރުމުގެ މަސައްކަތް ކުރުމަށް ބަޔަކު ހޯދުމަށް މިހާރު އިއުލާނު ކުރެވިފައި ވާކަމަށެވެ.
ފައިނުން އެންމެފަހުން ގޯތި ދޫކުރީ 2020 ވަނަ އަހަރުއެވެ.
މަސްދަރު: ފައިނުއޮންލައިން
ކޮމެންޓްސް (0)