ސްޕޯޓްސް މަސްވެރިކަމަށް ޚާއްސަކޮށްގެން މަސްކަނދުފަތިތަކެއް އެޅުމަށް ހަމަޖެހިފައިވާކަމަށް ފިޝަރީޒް މިނިސްޓަރު ޑރ. ހުސެއިން ރަޝީދު ހަސަން ވިދާޅުވެއްޖެއެވެ.
މިނިސްޓަރު ހުސެން ރަޝީދު މިހެން ވިދާޅުވީ، ރަށްޔިތުންގެ މަޖިލިހުގެ ކެޔޮދޫ ދާއިރާގެ މެންބަރު ހުސެއިން ގާސިމް ރައްޔިތުންގެ މަޖިލީހުގެ ހޯމަދުވަހުގެ ޖަލްސާގައި މިނިސްޓަރު ހުސެން ރަޝީދަށް ދެންނެވި ސުވާލަށް ޖަވާބުދެއްވަމުންނެވެ.
ސްޕޯޓްސް މަސްވެރިކަމަށް ބޭނުން ކުރެވޭގޮތަށް އަތޮޅުތަކުގެ ބޭރުދުނި ކައިރީގައި ކަނދުފަތި އެޅުމުގެ މަސައްކަތް ކުރަމުން އެބަދަން. މިހާތަނަށް ހަރުކުރި އެފަދަ ކަނދުފަތިތައް ކުރު މުއްދަތެއްގެ ތެރޭގައިވަނީ ކަނޑައިގެން ގޮސްފައިފި . އެއީ އޭގެ ޑިޒައިންގެ ސަބަބުން ދިމާވާކަމެއްތޯ، ނޫނީ އެންކަރިން މައްސަލަތޯވެސް މިހާރު ދަނީ ބަލަމުން
މިނިސްޓަރ ހުސެން ރަޝީދު ވިދާޅުވިއެވެ.
މިނިސްޓަރު އިތުރަށް ވިދާޅުވީ އެ މަސައްކަތް މިވަގުތައް ހުއްޓިފައިވަނީ ކަނދުފަތި ހަރުކުރާ ސަރަހައްދުތަކުގެ ކަނޑުއަޑި ސާވޭކުރަން ބޭނުންވާ ބައެއް ތަކެތި ހަލާކުވެފައިވާތީ ކަމަށެވެ. އެހެންކަމުން އެތަކެތި ހޯދުމުގެ މަސައްކަތް ކުރަމުން އަންނަ ކަމަށާއި، އަލަށް އަޅާ ކަނދުފަތިތައް އަޅާނީ އެ ސަރަހައްދުގެ ކަނޑުއަޑި ރަނގަޅަށް ސާވޭކޮށް ނިންމުމަށްފަހުކަމަށް ހުސެން ރަޝީދު ވިދާޅުވިއެވެ.
ކޮމެންޓްސް (0)