ގިނަ އަދަދެއްގެ ދިވެހިން ވިޔަފާރިކުރާ އޮންލައިން ބްރޭންޑެއް ކަމަށްވާ ޝީން އިން ރާއްޖެއަށް ފްރީ ޝިޕިންގ ކުރުން ހުއްޓާލައިފި އެވެ.
މިކަން ޝީންގެ ރަސްމީ ވެބްސައިޓުގައި އެކުންފުނިން ވަނީ ހާމަ ކޮށްފައެވެ. މީގެ ކުރިން ޝީންއިން 200 ޑޮލަރަށްވުރެ ގިނަ އަދަދަކަށް ވިޔަފާރިކުރާ ނަމަ ރާއްޖެއަށް އެތަކެތި ހިލޭ ޝިޕް ކުރެވޭ ގޮތް ވަނީ ހަދާފައެވެ.
ނަމަވެސް މިއަދު އަލަށް ގެނައި ބަދަލާއި އެކު ޝީންއިން އޯޑަރު ކުރާ ކޮންމެ އެއްޗަކުން 30 ޑޮލަރު ޝިޕިންގ ފީ އެއްގެ ގޮތުގައި ނެގުމަށް ވަނީ ނިންމާފައެވެ. އަދި އެކައްޗަށް ވުރެ ގިނައިން އެއް އޯޑަރެއްގައި ހިމަނާ ނަމަ ފުރަތަމަ އައިޓަމުން 30 ޑޮލަރު ނެގުމަށްފަހު ފަހުން ހިމަނާފައިވާ އޯޑަރުތަކުން 5 ޑޮލަރުގެ ޝިޕިން ފީއެއް ނެގުމަށް ވަނީ ނިންމާފައެވެ.
މި ނިންމުން ނިންމާފައިވާ ސަބަބެއް ޝީން އިން ސީދާ ބުނެފައިނުވެއެވެ.
ޝީން އަކީ ޗައިނާގެ ބްރޭންޑެކެވެ. އަދި އެކުންފުނީގެ މައި ޤައުމަކީ ސިންގްޕޫރެވެ. ޝިޕިންގ އުސޫލަށް މިފަހުން އެކުންފުނިން ބަދަލުގެނައީ ރާއްޖެއަށް އެކަންޏެވެ.
ކޮމެންޓްސް (0)