މީދޫ ނަލަފެހި ޖަމްއިއްޔާއިން އިސްނަގައިގެން ތައްޔާރު ކޮށްފައިވާ ވޭރާޑު ފިނިމައިޒާނުގެ މޮނިއުމެންޓްގެ ލޯގޯއެއްގެ ގޮތުގައި ހަރުކޮށްފައިވާ މިޔަރު ވަގަށް ގެންގޮސްފިއެވެ.
ނަލަފެހި މޮނިއުމެންޓްގައި ލޯގޯއެއްގެ ގޮތައް ހަރުކޮށްފައިވާ މިމިޔަރު ވަގަށް ގެންގޮސްފައިވާއިރު މީގެ ކުރިންވެސް ބަޔަކުވަނީ އެމޮނިއުމެންޓްގައި ހަރުކުރެވިފައިވާ މިޔަރު ހަލާކުކޮށްލާފައެވެ.
ނަލަފެހިން މައުލޫމާތު ދިންގޮތުގައި 6000 ރުފިޔާއަށްވުރެގިނަ ރުފިޔާ ޚަރަދުކޮށްގެން ފައިބަރުން ހަދުވާފައި އެމިޔަރު ވަގަށް ގެންދިޔަކީ ކޮންބައެއްކަން ނޭގޭކަމަށެވެ.
ނަލަފެހިން މީދޫގެ އެކި ފަންނު ތަކުގައި ކުޑަކުދިންނާއި އުރުމުން ދުވަސްވީ މީހުންނާއި އަދި އާއްމުކޮށް އެންމެންނަށް ފަސޭހައިން ބޭނުނުން ކުރެވޭނެ ހިތްގައިމުގޮތަކަށް ފިނިމައިޒާންތައް ތައްޔާރުކޮށް އެތަންތަން މަރާމާރުކޮށް ބަލަހައްޓަމުންދާތާ ގިނަދުވަސްތަކެއްވަނީ ވެފައެވެ.
އެހެންކަމުން ކޮންމެ ދުވަހަކުވެސް އާއްމުންގެ ގިނަ ބަޔަކު އެތަންތަނަށް ޒިޔާރާތްކޮށް އާއިލާއާ އެކު ވަގުތު ހޭދަކުރަމުންދެއެވެ. އަދި ރަށަށް ޒިޔާރަތްކުރާ މެހުމާނުންވެސް އެތަންތަނަށް ޒިޔާރަތްކޮށް އެތަންތަނުގެ ބޭނުން ފުރިހަމަ ގޮތުގައި ކުރަމުންދާކަން ފާހަގަކޮށްލަންޖެހެއެވެ. އެހެންކަމުން މިމައިޒާންތަކަށް ގެއްލުން ދީ އެތަންތަނުގައި ހުންނަ ތަކެތިވަގަށް ނުނެގުމަކީ ނަލަފެހި ޖަމްއިއްޔާގެ ވަރަށް ބޮޑު އެދުމެކެވެ.
ކޮމެންޓްސް (0)