މާލެ އިން މިއަދު ކޮވިޑް-19 އަށް ޕޮޒިޓިވްވި މީހާއާއި މީގެ ދެ ދުވަސް ކުރިން ފެށިގެން ކްލޯޒް ކޮންޓެކްޓެއްގެ ގޮތުން ކޮންޓެކްޓް ވެފައި ތިބި މީހުންގެ ތެރެއިން ދެމީހަކު އައްޑޫގައި އެބަތިބިކަމަށާ އެމީހުން ހޯދާ އެމީހުންގެ ހާލަތު ބަލަމުންދާކަމަށް ޑރ. ނަޒްލާ ވިދާޅުވެއްޖެއެވެ.
އެޗްޕީއޭއިން މިއަދު ހަވީރު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ޑރ. ނަޒްލާ ވިދާޅުވެފައިވަނީ ޕޮޒިޓިވް ވި މީހާއާއި ސީދާ ކޮންޓެކްޓްވި 54 މީހަކު މި ވަގުތާއިހަމައަށް އައިސޮލޭޓް ކުރެވިފައިވާކަމަށެވެ. އަދިވެސް އިތުރަށް ކޮންޓްރެކްޓް ޓްރޭސިންގެ މަސައްކަތް ހަމަ ވަރަށް ބާރަށް ކުރިޔަށް ދާކަމެވެ.
“ޤަބޫލު ކުރެވޭ ގޮތުގައި އިތުރު ފަރާތްތަކެއް މިއަދުވެސް ހަމަ އައިސޮލޭޓް ކުރެވިގެންދާނެ” ޑރ. ނަޒްލާ ވިދާޅުވެފައިވެއެވެ.
ނަޒްލާ އިތުރަށް ވިދާޅުވެފައިވަނީ ރައްކާތެރި ވުމުގެ ގޮތުން ބަލިމީހާއާއި އެންމެ ގާތްކޮށް އުޅުނު ބައެއް ފަރާތްތަކާވެސް ކޮންޓްރެކްޓް ވި މީހުންގެ ލިސްޓް މިވަގުތު ހޯދަމުން ދާކަމަށާއި އަދި އެފަރާތްތައް މިވަގުތު ގޭގައި މަޑުކޮށްލުމަށް ބުނެފައި ވާނެކަމަށެވެ. ސީދާ އައިސޮލޭޝަންއަށް އެމީހުން އަދި ނުގެންދާކަމަށާއި، ނަމަވެސް މި ކޭސްގެ ކަންތައް ކުރިޔަށް ދާގޮތުން އެބޭފުޅުންވެސް އައިސޮލޭޝަންއަށް ލާންޖެހިދާނެކަމުގައި ނަޒްލާ ވަނީ ވިދާޅުވެފައެވެ. އެއީ ގާތްގަނޑަކަށް 55 ކޮންޓެކްޓުން ކަމަށް ނަޒްލާ ވިދާޅުވިއެވެ.
މިގެ އިތުރުން ބަލި ޖެހުނު ފަރާތްތައް ބަލި ޖެހުނީ ކިހިނެތްތޯއާއި ސޯސްއަކީ ކޮބާތޯ ހޯދުމަށް މި ކޭސް އިންވެސްޓިގޭޝަންވެސް ކުރިޔަށް ދާކަމުގައި ނަޒްލާ ވަނީ ވިދާޅިވެފައެވެ.
ކޮމެންޓްސް (0)