ބައިނަލްއަގްވާމީ ފުޓްބޯޅަ މުބާރާތެއް ކަމަށްވާ ޔޫއޭފާ އަންޑަރ 15 އިންޓަނޭޝަނަލް ފުޓްބޯޅަ މުބާރާތް އައްޑޫ ސިޓީ ހިތަދޫގައި ބާއްވާ ގޮތަށް ނިންމައިފިއެވެ.
އަންނަ ޖުލައި މަހުގެ 20 ވަނަ ދުވަހުން ފެށިގެން 29 ވަނަ ދުވަހުގެ ނިޔަލަށް އައްޑޫސިޓީ ހިތަދޫގެ ” އައްޑޫ ފުޓްބޯޅަ ސްޓޭޑިއަމް” ގައި ކުރިއަށް ގެންދިއުމަށް ހަމަޖެހިފައިވާ މިމުބާރާތުގައި ރާއްޖޭގެ އިތުރުން ބޫޓާން، ސައުދީ އަރަބިޔާ އަދި ލަޓްވިޔާގެ ފަނަރަ އަހަރުން ދަށުގެ ޤައުމީ ޓީމުން ވާދަކުރާނެއެވެ.
ފުރަތަމަ ފަހަރަށް ރާއްޖޭގައި ބާއްވާ ޔޫއޭފާ އަންޑަރ 15 އިންޓަނޭޝަނަލް ފުޓްބޯޅަ މުބާރާތަކީ އެފްއޭއެމް އާއި ޔޫތު މިނިސްޓްރީ އަދި ޔޫއޭފާ ގުޅިގެން ކުރިއަށް ގެންދިއުމަށް ހަމަޖެހިފައިވާ މިމުބާރާތެކެވެ.
މައުލޫމާތު ލިބިފައިވާގޮތުގައި މިމުބާރާތުގައި ބައިވެރިވާ ޓީމުތައް އަންނަ މަހުގެ 18 ވަނަ ދުވަހު އައްޑޫ ސިޓީ އަށް އައުމަށްވަނީ ހަމަޖެހިފައެވެ.
ކޮމެންޓްސް (0)