ޝަމްސުއްދީން ސްކޫލްޓީމު ކުޅުނު ފުރަތަމަމެޗް އެއްވަރުވެއްޖެ

މަމެން އިންޓަރ ސްކޫލް ފުޓްބޯޅަ މުބާރާތުގައި މީދޫ ޝަމްސުއްދީން ސްކޫލްގެ 12 އަހަރުން ދަށުގެ ޓީމް ކުޅުނު ފުރަތަމަމެޗް އެއްވަރުވެގެން ނިމިއްޖެވެ.

މިމަހުގެ 14 ވަނަ ދުވަހު ހަވީރު ހިތަދޫ ޒޯން ސްޓޭޑިއަމްގައި ހިތަދޫ ޝަރަފުއްދީން ސްކޫލްގެ 12 އަހަރުން ދަށުގެޓީމާ ވާދަކޮށް ޝަމްސުއްދީން ސްކޫލްގެ ޓީމު ކުޅުނު މިމެޗް އެއްވަރުވެފައިވަނީ 3 ލަނޑު 3 ލަނޑުންނެވެ.

މިމެޗްގައި ފުރަތަމަ ލަނޑު ޖަހާ ކުރިހޯދީ ޝަރަފުއްދީން ސްކޫލެވެ. މިލަނޑު 8 ވަނަ މިނިޓްގައި ކާމިޔާބުކޮށްދިނީ އާލިފު ފާރިހު ޖަމާލެވެ.

ޝަމްސުއްދީން ސްކޫލްޓީމުން ލަނޑެއް ޖަހާ މެޗްގެ ނަތީޖާ ހަމަހަމަކޮށްފައިވަނީ 14 ވަނަ މިނިޓްގައެވެ. މިލަނޑު އެޓީމަށް ކާމިޔާބުކޮށްދިނީ ހަސަން ޒާލިމެވެ.

ޝަރަފުއްދީން ސްކޫލް

އެހެންނަމަވެސް ފުރަތަމަ ހާފް ނިމުމުގެ ކުރީން ޝަރަފުއްދީން ސްކޫލުންވަނީ އިތުރު 2 ލަނޑު ޖަހާ މެޗްގެ ނަތީޖާ 3-1 އަށް ބަދަލުކޮށްފައެވެ. ޝަރަފުއްދީން ސްކޫލްގެ 2 ވަނަ ލަނޑު 18 ވަނަ މިނިޓްގައި މުހައްމަދު ނަވީ އަޒުވަރު ކާމިޔާބުކޮށްދީފައިވާއިރު އެޓީމުގެ 3 ވަނަ ލަނޑު 21 ވަނަ މިނިޓްގައި ކާމިޔާބުކޮށްދިނީ އަލީ ފާރިހު ޖަމާލެވެ.

މިމެޗްގެ ދެވަނަ ހާފްގެ ކުޅުން ޝަމްސުއްދީން ސްކޫލުން ފަށާފައިވަނީ އެޓީމުގެ ކުޅުން ވަރަށްބޮޑުތަން ރަގަޅުކޮށްގެންނެވެ. މިގޮތުން އެޓީމުން ވަނީ ދެވަނަ ހާފް ނިމުމުގެ ކުރީން 2 ލަނޑު ކާމިޔާބުކޮށް މެޗްގެ ނަތީޖާ 3-3 އަށް ބަދަލުކޮށްފައެވެ.

ޝަމްސުއްދީން ސްކޫލު ޓީމުން މިމެޗުގައި ކާމިޔާބުކުރި ދެވަނަ ލަނޑު މެޗްގެ 29 ވަނަ މިނިޓްގައި ހަސަން ޒާމިލު ކާމިޔާބުކޮށްދީފައިވާއިރު އެޓީމުގެ 3 ވަނަ ލަނޑު 30 ވަނަ މިނިޓްގައި ކާމިޔާބުކޮށްދިނީ އަހުމަދު ޒީޝާންއެވެ.

މިމެޗް 3-3 ން އެއްވަރުވެގެން ނިމުނުކަމުގައި ވިޔަސް ޝަމްސުއްދީން ސްކޫލްޓީމުގެ ކުޅުންތެރީންނަށް މިމެޗްގެ ފަހުހާފްގައި ލަނޑުޖަހާނެ ގިނަ ފުރުސަތުތަކެއް ލިބި ބޭނުން ކުރެވިގެން ގޮސްފައިވާންތަން ފެނިގެން ގޮސްފައިވެއެވެ.

އަދި މީގެ އިތުރަށް މިމެޗްގައި ޝަމްސުއްދީން ސްކޫލްގެ ހަސަން ޒާމިލުގެ ފަރާތުން ތަފާތު މޮޅު ކުޅުމެއް ފެނިގެންގޮސްފައިވެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އައިއެސްއޭ ސްޓްރީޓް ކަޕް 2018

ފިތުރު އީދުގެ މުނާސަބާ ފާހަގަކުރުމުގެ ގޮތުން މިމަހުގެ 14 ވަނަ ދުވަހުގެރޭ ” އައިއެސްއޭ ސްޓްރީޓް ކަޕް 2018 ...

ރެފްރީގެ ނިންމުތަކާ ހިތްހަމަ ނުޖެހިގެން އެކަމުގެ ރުޅިގަޑު ރެފްރީއަށް އަމާޒުކޮށްފި

މަމެން އައްޑޫއިންޓަރ ސްކޫލް ފުޓްބޯޅަ މުބާރާތުގެ 16 އަހަރުން ދަށުގެ އުމުރުފުރާގައި އިއްޔެ ހަވީރު ކުޅެވުނު މެޗަށްފަހު  އަތޮޅުމަދަރުސާޓީމްގެ ...

އެކުވެރިކަމުގެ ވޮލީމެޗުން ބަލިވީ މީދޫ ވޮލީޓީމް

އައްޑޫސިޓީގެ ގުޅިފައިވާ ރަށްތަކުގެ ކުޅުންތެރީން ހިމެނޭ ޓީމަކާ މީދޫ ޓީމަކާ ދެމެދު ކުޅެވުނު އެކުވެރިކަމުގެ ވޮލީ މެޗު ގުޅިފައިވާ ...