ކޮޕާޑެލްރޭ ފުޓްބޯޅަ މުބާރަތުގެ ފައިނަލަށް ބާސެލޯނާ ދަތުރުކޮށްފި

Advertisement
Advertisement

ކޮޕާޑެލްރޭ ފުޓްބޯޅަ މުބާރަތުގެ ފައިނަލަށް ބާސެލޯނާ ދަތުރުކޮށްފިއެވެ.

ބާސެލޯނާ މިމުބާރާތުގެ ފައިނަލަށް ދަތުރުކޮށްފައިވަނީ ސެމީފައިނަލުގެ ފުރަތަމަ ލެގްގެ މެޗް 1 ލަނޑު 1 ލަނޑުން އެއްވަރު ވެފައިވަނިކޮށް ބުދަ ދުވަހުގެ ރޭ ކުޅެވުނު ދެވަނަލެގްގެ މެޗް 3 ލަނޑު 0 ބާސެލޯނާ ކާމިޔާބުކޮށް 4 ލަނޑު 1 ލަނޑުގެ އެގްރިގޭޓުންނެވެ.

ބުދަދުވަހުގެރޭ ރެއާލްމެޑްރިޑްގެ ދަނޑުގައި ކުޅެވުނު މިމެޗުން ރެއާލްމެޑްރިޑު 3-0 އިން ބަލިވިޔަސް މިމެޗްގައި ލަނޑު ޖަހާނެ ގިނަ ފުރުސަތު ތަކެއް އެޓީމަށްވެސް ލިބި ބޭނުން ނުކުރެވިދިޔަތަން ފެނިގެން ދިޔައެވެ.

މިގޮތުން ފުރަތަމަ ހާފްގެ ތެރޭގައި ކަރިމް ބެންޒެމާ އާއި ވިނީސިއަސް ޖޫނިއާސްއަށް ލިބުނު ހުސް ފުރުސަތުތައް ފާހަގަކޮށްލަންޖެހެއެވެ.

މިމެޗްގައި ބާސެލޯނާއިން ކާމިޔާބުކުރި 3 ލަނޑުގެ ތެރެއިން ދެލަނޑު ސުވަރޭޒް ކާމިޔާބުކޮށްދީފައިވާއިރު އެޓީމުގެ އަނެއް ލަނޑަކީ ރެއާލްމެޑްރިޑްގެ ކުޅުންތެރިއެއްކަމުގައިވާ ރަފެއެލް ވަރާން އަތުން ބައިކޮޅަށް ވަދެފައިވާ ލަނޑެކެވެ.

މިއީ މި މުބާރާތުގެ ފައިނަލުން ޖެހިޖެހިގެން ބާސާ ފުރުސަތު ހޯދި ހަވަނަ ފަހަރެވެ. ބާސެލޯނާއަކީ މިމުބާރާތުގެ އެންމެ ކާމިޔާބު ޓީމަށްވާއިރު، މިހާތަނަށް އެޓީމުން ވަނީ 30 ފަހަރު މިމުބާރާތް ކާމިޔާބުކޮށްފައެވެ. އަދި 10 ފަހަރެއްގެ މަތިން އެޓީމު ވަނީ ދެވަނަ ހޯދާފައެވެ. 

ބުދަދުވަހުގެރޭ މިދެޓީމް ކޮޕާޑެލްރޭގެ ސެމީފައިނަލުގައި ބައްދަލުކޮށްފައިވާއިރު ސްޕެނިޝް ލީގުގައި މިދެޓީމް ބައްދަލުކުރާމެޗް އަންނަ ހޮނިހިރު ދުވަހުގެރޭ ރެއާލްމެޑްރިޑްގެ ދަނޑުގައި އޮންނާއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އޭޝިއަން ބޮޑީބިލްޑިން މުބާރާތް: ރާއްޖޭގެ އަޒްނީނަށް ރަން މެޑެލް

ރާއްޖޭގައި މިހާރު ކުރިއަށްދާ 54 ވަނަ އޭޝިއަން ބޮޑީބިލްޑިން އެންޑް ފިޒީކް ސްޕޯޓްސް ޗެމްޕިއަންޝިޕުން ރާއްޖޭގެ އަޒްނީން ރަޝާދު ...

ކުޑަކާއްޓޭއާއި އެޑަމް  ސެންޓްރަލް ޒޯން މުބާރާތުން ރަން މެޑަލް ހޯދައިފި

ބަންގްލަދޭޝްގައި މިހާރު ކުރިއަށްދާ އޭޝިއަން ސެންޓްރަލް ޒޯން  ބީޗް ވޮލީބޯޅަ މުބާރާތުގައި ރާއްޖެއިން ވާދަކުރާ  (ކުޑަކާއްޓެ) އާއި އާދަމް ...

އައްޑޫ އީދު ފެސްޓިވަލް 2022: ޕާކް ވޮލީ މުބާރާތް

އައްޑޫ އީދު ފެސްޓިވަލް 2022 ގައި ހިމެނިގެން މީދޫގައި ކުރިއަށް ގެންދާ ޕާކް ވޮލީ މުބާރާތް މިއަދު ހަވީރު ...