ރައީސް ސޯލިހުގެ ރިޔާސީ ބަޔާނުގައި ހުރި ގިނަ ކަންކަމަށް ލޭބަރ ޕާޓީން ތާޢީދުކޮށްފި

Advertisement

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު އިއްޔެ ހުށަހެޅުއްވި ރިޔާސީ ބަޔާނަށް  މޯލްޑިވްސް ލޭބަރ އެންޑް ސޯޝަލް ޑިމޮކްރެޓިކް ޕާޓީން ތާޢީދުކޮށްފިއެވެ.

ލޭބަރ ޕާޓީން ނެރުނު ނޫސްބަޔާނުގައި ހާމަކޮށްފައިވާގޮތުން އިއްޔެ  ރައީސް ޞާލިޙު ހުށަހެޅުއްވި ރިޔާސީ ބަޔާނުގައި އާމްދަނީން ޓެކްސް ނަގަން ނިންމައި، އަންނަ އަހަރުން ފެށިގެން ވަކި މިންވަރަކަށްވުރެ މަތިން އާމްދަނީ ލިބޭ ފަރާތްތަކުގެ ޢާމްދަނީން ޓެކްސް ނަގަން ނިންމި ނިންމުމަކީ ރަގަޅު ނިންމުމެއްކަމަށް ހާމަކޮށް އެކަމަށް މަރުޙަބާ ކިޔާ ފައިވެއެވެ.

އާމްދަނީ އިތުރުވާ މިންވަރުން ޓެކްސްގެ ނިސްބަތް މަތިވާ (ޕްރޮގްރެސިވް އިންކަމް ޓެކްސް) ތަޢާރަފްކުރުމަށާއި، އާމްދަނީ ރިޕޯޓުކުރުމުގެ ނިޒާމު ހަރުދަނާކޮށް، “ގޮތްނޭނގޭ” އާމްދަނީ ހާމަކުރުން މަޖުބޫރުކުރުމުގެ ބާރު ތަޙުޤީގީ އަދި ޝަރުޢީ އިދާރާތަކަށް ދިނުމަކީ ޓެކްސްގެ ނިޒާމު އިންސާފުވެރިކޮށް، ކޮރަޕްޝަނާއި ނާޖާއިޒު ފައިދާ ހޯދުން ހުއްޓުވުމަށް ކޮންމެހެން ލާޒިމު ކަމެއްކަމަށްވެސް އިއްޔެ ލޭބަރ ޕާޓީން ނެރުނު ނޫސްބަޔާނުގައި ހާމަކޮށްފައިވެއެވެ.

އެންމެ ދަށުން ލިބޭ އާމްދަނީ (މިނިމަމް ވޭޖް) ކަނޑައެޅުމަށް ސަރުކާރުން ފަށާފައިވާ މަސައްކަތަށް މަރުޙަބާ ކިޔާ، ވަކިވަކި ސެކްޓާރތަކަށް ކަނޑައަޅާފައިވާ މިނިމަމް ވޭޖު ނިންމުމުގައި އިންޑަސްޓްރީތަކުގެ މަސައްކަތްކުރާ ފަރާތްތަކާއި، މަސައްކަތްތެރިންގެ ޖަމްޢިއްޔާތަކާ އިތުރަށް މަޝްވަރާކުރުމަކީ މުހިންމު ކަމެއްކަމަވެސް ލޭބާޕާޓީގެ ނޫސް ބަޔާނުގައި ފާހަގަކޮށްފައިވެއެވެ.

އަދި މީގެ އިތުރަށް ޢަދުލު އިންސާފުގެ ނިޒާމް ހަރުދަނާކުރުމާއި، ބޯހިޔާވަހިކަމުގެ މަޝްރޫއުތަކާމެދު ރައީސް ސޯލިހުގެ ރިޔާސީ ބަޔާނުގައި ދެއްވާފައިވާ ޔަޤީންކަމަށްވެސް ލެބަރ ޕާޓީގެ ނޫސްބަޔާނުގައި  މަރުހަބާ ދަންނަވާފައިވެއެވެ.  އަދި އެކަންކަން ތަންފީޒުކުރުމުގައި ފުރިހަމަ އެއްބާރުލުން ދޭނެ ކަމަށްވެސް ލޭބަރ ޕާޓީގެ ނޫސް ބަޔާނުގައި ހާމަކޮށްފައިވެއެވެ.

Advertisement
  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ރައީސް ނަޝީދަށް ހަމަލާދޭން އުޅޭކަމުގެ މަައުލޫމާތު ލިބުނު ވާހަކަ ނަޝީދުއާއި މާރިޔާއާ ހިއްސާ ކުރިން: އިލްޔާސް

ރައްޔިތުން މަޖިލީހުގެ ރައީސް މުހައްމަދު ނަޝީދަށް ހަމަލާ ދޭން އުޅޭ ކަމުގެ މައުލޫމާތު ކޮންމިއަސް މީހެއްގެ ފަރާތުން ލިބުމާއި ...

ރާއްޖޭގެ ރައްޔިތުންނަކީ ނާތަހުޒީބު ބައެއްގެ ގޮތުގައި ދުނިޔެއަށް ވިއްކީ ކުރީގެ ރައީސް ނަޝީދު – ސައީދު

ރާއްޖޭގެ ރައްޔިތުންނަކީ ނާތަހުޒީބު ބައެއްގެ ގޮތުގައި ދުނިޔެއަށް ވިއްކީ ކުރީގެ ރައީސް މުހައްމަދު ނަޝީދު ކަމަށް އިކޮނޮމިކް މިނިސްޓަރ ...

މިއަދު މީދޫގައި ހުކުރު ނަމާދު ކުރާ މިސްކިތްތަކާއި އިމާމުވެ ހުކުރު ކުރައްވާ ބޭފުޅުން

މިއަދު ( 23 އޮކްޓޯބަރ 2020 ވަނަ ދުވަހު )   މީދޫގެ މިސްކިތްތަކުގައި    އިމާމުވެ ހުކުރު ކުރެއްވުމަށް ...