އައްޑޫސިޓީގައި ފަތުރުވެރިކަން ތަރައްޤީކޮށް ކުރިއެރުވުމަށް، އައްޑޫސިޓީ ކައުންސިލުން އެކުލަވާލާފައިވާ ޕްލޭނަށް ޚިޔާލު ހޯދުމަށް ކަމާ ގުޅުންހުރި ފަރާތްތަކާއެކު މަޝްވަރާ ކޮށްފިއެވެ.
އައްޑޫސިޓީ ކައުންސިލް އިދާރާގައި ބޭއްވި މި މަޝްވަރާ ބައްދަލުވުމުގައި ކައުންސިލް މެންބަރުންގެ އިތުރުން، އައްޑޫ ސިޓީގައި ޙަރަކާތްތެރިވާ ފަތުރުވެރިކަމާ ގުޅުންހުރި ފަރާތްތަކާއި، ދައުލަތުގެ ބައެއް މުއައްސަސާތަކާއި، އައްޑޫ ސިޓީގައި ޙަރަކާތްތެރިވާ ޖަމްޢިއްޔާ ޖަމާޢަތްތަކުގެ އިތުރުން ގެސްޓް ހައުސްތައް ހިންގާ ފަރާތްތައް ވެސް ބައިވެރިވެފައިވެއެވެ.
މި ބައްދަލުވުމުގައި، އައްޑޫ ސިޓީގައި ފަތުރުވެރިކަން ތަރައްޤީކޮށް ކުރިއެރުވުމަށް ކުރެވިދާނެ ކަންތައްތަކާއި، ކައުންސިލުން އެކުލަވާލާފައިވާ ޕްލޭނާމެދު ބައިވެރިންގެ ޚިޔާލުވެސް ވަނީ ހޯދާފައެވެ.
އައްޑޫ ސިޓީގެ ފަތުރުވެރިކަން ކުރިއަރުވާ ތަރައްޤީ ކުރުމަށް އައްޑޫސިޓީ ކައުންސިލުން ގެންދަނީ ގިނަ މަސައްކަތްތަކެއް ކުރަމުންނެވެ. އެގޮތުން އައްޑޫސިޓީ ކައުންސިލުގެ އެހީތެރިކަމާއެކު އައްޑޫގެ އަމިއްލަ ފަރާތްތަކުން އިސްނަގައިގެން ވަނީ، އިކުއަޓޯރިއަލް ޓްރެވެލް އެންޑް ޓޫރިޒަމް އެސޯސިއޭޝަން (އެޓާ)ގެ ނަމުގައި ޖަމްޢިއްޔާއެއްވެސް މިއަހަރު ކުރީކޮޅު އުފައްދާފައެވެ.
ކޮމެންޓްސް (0)