ކާޅު ހަދާނީ ހާލި، ކޮވެލި އަޅާނީ ބިސް – ރައީސް ޔާމީން

ކާޅު ހަދާނީ ހާލި ކަމަށާއި އެޔަށް ބިސް އަޅާނީ ކޮވެލި ކަމަށް ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ޤައްޔޫމް ވިދާޅުވެއްޖެއެވެ.

ރައީސް ފައްޓަވައިފައި ހުރި މަޝްރޫއުތައް ނިންމަވައިދެއްވާނޭކަމަށް އިދިކޮޅު ފަރާތްތަކުން ބުނަމުންދާ ދަނޑިވަޅެއްގައި، އެކަމަށް ރައްދުދެއްވާ އެމަނިކުފާނު މިހެން ވިދާޅުވީ، މަޑިފުއްޓަށް ވަޑައިގެން އެރަށުގައި ހިންގެވި ތިން މަޝްރޫއެއްގެ ނިންމުން ފާހަގަކުރުމުގެ ރަސްމިއްޔާތުގައި ވާހަކަފުޅުދައްކަވަމުންނެވެ.

މި ރަސްމިއްޔާތުގައި ވާހަކަފުޅުދައްކަވަމުން ރައީސް އިތުރަށް ވިދާޅުވީ، އިދިކޮޅު ފަރާތްތަކަށް ރައްޔިތުންނަށް ގެނަސްނުދެވުނު ތަރައްގީ އެމަނިކުފާނު ގެނަސްދެއްވަމުންދާތީ، އިދިކޮޅު ފަރާތްތަކުން އުޅެނީ ހަޖަމު ނުވެގެންކަމަށެވެ.

ރައީސް ވިދާޅުވީ ސުނާމީގައި ހާލުގައި ޖެހުނު މީހުނަށް އެމްޑީޕީ ސަރުކާރުން ދާއިމީ ބޯހިޔާވަހިކަމެއް ފޯރުކޮށް ނުދެވުނުކަމަށާއި، ޓެންޓު ޖަހައިގެން ރައްޔިތުން ގެންގުޅުމަކީ ދާއިމީ ހައްލެއް ނޫންކަމަށެވެ.

ތަރައްޤީގެ ބައެއް މަޝްރޫއުތަކަށް އަލިއަޅުއްވާލައްވާ ރައީސް ވިދާޅުވީ، 12 އަހަރުގެ އިންތިޒާރަކަށްފަހި ނ.އަތޮޅުގައި އެއް އަހަރުދުވަހުގެ ތެރޭގައި މި ސަރުކަރުން އެއާޕޯޓެއް ތަރައްގީކޮށް ނިންމާފައިވާކަމަށެވެ. އަދި މީގެ އިތުރުން ދިވެހިރާއްޖޭގައި މިހާތަނަށް ތަރައްގީކުރަމުންދާ އެންމެ ބޮޑު ރިސޯޓުވެސް ތަރައްގީކުރަމުންދަނީ މިހާރުގެ ސަރުކާރުގެ ދަށުންކަމަށް ރައީސް ވިދާޅުވިއެވެ.

މަސްދަރު: ޚަބަރު

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ތިންމެޗުން ބަލިވެ މީދޫޓީމް މުބާރާތުން ކަޓައިފި

ފޭދޫގައި މިހާރު ކުރިއަށްދާ ޑްރެސްޕްރޯ ވިމެންސް އިންވިޓޭޝަން ވޮލީބޯޅަ މުބާރާތުގައި މީދޫޓީމް ކުޅުނު 4 މެޗުގެ ތެރެއިން ތިންމެޗުން ...

ޗުއްޓީއާ ދިމާކޮށް އަގުތައް ބޮޑުކުރަންޖެހުނީ ސަރުކާރުން ޓެކްސް ބޮޑުކުރުމުން: މޯލްޑިވިއަން

ގައުމީ އެއަލައިންގެ ގޮތުގައި ހިންގަމުން އަންނަ މޯލްޑިވިއަން އިން އެކްސެސް ބެގޭޖަށް ނަގާ ފީ އާއި ނޯޝޯ ފީ ...

މެއިމަހުން ފެށިގެން ސިއްހީ ދާއިރާގެ މުވައްޒަފުންގެ މުސާރަ ބޮޑުވާނެ

މިއަހަރުގެ މެއި މަހުގެ އެއްވަނަ ދުވަހުން ފެށިގެން ސިއްހީ ދާއިރާގެ މުވައްޒަފުންގެ މުސާރަ ބޮޑުވެގެންދާނެކަން ރައީސުލްޖުމްހޫރިއްޔާ އިބްރާހީމް މުހައްމަދު ...