“މިއަދު މިފެންނަނީ ރާއްޖޭގައި މެޗުއަރ ޑިމޮކްރަސީއެއް އޮތްތަން، ސަބަބަކީ އެމްޑީޕީގެ ބާރު ނަޝީދު އަތުން ކެނޑިގެންދިއުން” – މޫސަ

މިއަދު މިފެންނަނީ ރާއްޖޭގައި “މެޗުއަރ ޑިމޮކްރަސީއެއް” އޮތްތަންކަމަށާ އޭގެ ސަބަބަކީ އެމްޑީޕީގެ ބާރު ނަޝީދު އަތުން ކެނޑިގެންދިއުންކަމަށް ހުޅުހެންވޭރު ދާއިރާގެ މެމްބަރު އަދި ރައްޔިތުންގެ މަޖިލީހުގެ ނައބު ރައީސް މޫސާ މަނިކު ވިދާޅުވެއްޖެއެވެ.

ރައީސް ޔާމީންގެ ކެމްޕެއިން ޓީމުގެ އެކި ޓީމުތައް އަތޮޅުތަކަށް ކުރައްވަމުން ގެންދަވާ ދަތުރުގެ ތެރެއިން ގދ.ތިނަދޫ އަށް ކެމްޕެއިން ޓީމުގެ ވަފްދު ކުރިއަށްގެންދާ ހަރަކާތްތަކުގެ ތެރެއިން ޕީ.އެސް.އެމް ނިއުސްއަށް ދެއްވި ޚާއްސަ އިންޓަވިއުއެއްގައި މަޖިލީހުގެ ނާއިބު ރައީސް ހުޅުހެންވޭރު ދާއިރާގެ މެންބަރު މޫސާ މަނިކު ވިދާޅުވީ، މީގެ ކުރިން ސިޔާސީ ގޮތުން ތަފާތު ފިކުރުތަކުގެ ރައްޔިތުން ދިރިއުޅޭ ރަށްރަށަށް ސިޔާސީ މީހުން އެރުމުން މީހުންނާއި ދިމާކޮށް ޒުވާކުރުން ފަދަ ސަގާފަތްތައް މިހާރު ފެންނަމުން ނުދާކަމަށެވެ.

އަދި ތިނަދޫ އަކީ އިދިކޮޅު ޕާޓީތަކުގެ މެންބަރުންނާއި ސަރުކާރު ހިންގާ މައިޕާޓީ ޕީ.ޕީ.އެމް އަށް ތާޢީދުކުރާ ގިނަ އަދަދެއްގެ ރައްޔިތުން ދިރިއުޅޭ ރަށަކަށް ވީނަމަވެސް އެރަށުން މީގެ ކުރިން ފެންނަ ސަގާފަތްތައް މިހާރު ފެންނަމުން ނުދާކަމަށެވެ.

މީގެ އިތުރުން މޫސަގެ ވާހަކައިގައި ފާހަގަކުރެއްވީ ވަރަށް އޮމާންކޮށް، އަމާންކޮށް ހުރިހާ ކަމެއްވެސް ކުރިއަށްދާ ކަމަށާ ހުރިހާ ޕާޓީތަކުގެ މެންބަރުންނަށް ޝުކުރު އަދާކުރާކަމަށެވެ. އަދި މަގުމަތީގައި މީހަކު ހިތް ހަމަނުޖެހިގެން އެއްވެސް އެއްޗެއް ބުނާ މަންޒަރުވެސް މިއަދު ނުފެންނަ ކަމަށާ އެހެންކަމުން މިއަދު މިފެންނަނީ ރާއްޖޭގައި މެޗުއަރ ޑިމޮކްރަސީއެއް އޮތްތަން ކަން ފާހަގަކުރައްވަމުން މޫސަ ވިދާޅުވީ މީގެން މިފެނިގެންދަނީ އެމް.ޑީ.ޕީގެ ބާރު ރައީސް ނަޝީދުގެ އަތުން ދިޔައިމަ ރައީސް ނަޝީދުގެ އޯޑަރު ތަންތަނަށް ނުހިނގާކަން ކަމަށެވެ.

މޫސާ މަނިކު ވިދާޅުވީ، ތިނަދޫ އޮތީ ރައީސް ޔާމީން 2018 ކެމްޕެއިނަށް ވަރަށް ބޮޑަށް ތައްޔާރުވެފައިކަމަށާއި، ރައީސް ޔާމީން ތިނަދޫއަށް ގެންނެވި ތަރައްޤީއާއެކު ރަށުގެ ތައްޔިތުން ތިބީ ވަރަށް ބޮޑަށް އުފަލުންކަމަށެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ކުރީގެ ރައިސް މުހައްމަދު ނަޝީދު އަންނަ ރިޔާސީ އިންތިހާބުގައި ވާދަކުރެވޭނެ އެއްވެސް ޖާގައެއް ނެތް – ޕީޕީއެމް

ތޭރަ އަހަރުގެ ޖަލު ހުކުމެއް އިއްވާފައިވާ ކުރީގެ ރައީސް މުހައްމަދު ނަޝީދަށް އަންނަ ރިޔާސީ އިންތިޚާބުގައި ވާދަކުރުމުގެ ފުރުސަތު ...

ޤައުމު އަޅުވެތިކުރަން ގޮވާލާ އެކަމަށް ހިތްވަރުދިނުމަކީ ބޮޑު ފާފައެއް- ޖަމްޢިއްޔަތުއް ސަލަފް

ދިވެހި ޤައުމު އަޅުވެތިކުރުމަށް ބޭރުގެ ފަރާތްތަކަށް ދަޢުވަތު ދީ، ހިތްވަރުދިނުމަކީ ޚިޔާނާތްތެރި އަނިޔާވެރި އަމަލެއް ކަމަށްބުނެ، ޖަމްޢިއްޔަތުއް ސަލަފުން ...

ނަޝީދުގެ ސަރުކާރުގައި ނަގާފައިހުރި އާންމު ރައްޔިތުންގެ ބިންތައް އެރައްޔިތުންނަށް އަނބުރާ ދެނީ

ނަޝީދުގެ ވެރިކަމުގައި އައްޑޫ ސިޓީގެ ޢާއްމު ރައްޔިތުން އަތުން ނަގާފައިހުރި އެ ރައްޔިތުންގެ ބިންތައް އަނބުރާ ދޭން ނިންމަވައި ...