އައްޑޫސިޓީގެ ދެ ކައުންސިލަރަކު ދުއްވި ސައިކަލެއް ކަހާލައިގެން ވެއްޓި އެ ދެ ކައުންސިލަރުންނަށް ބޮޑެތި އަނިޔާތަކެއް ލިބިއްޖެއެވެ
މި އެކްސިޑެންޓު ހިނގާފައިވަނީ އިއްޔެ ހަވީރުއެވެ. މައުލޫމާތު ލިބިފައިވާ ގޮތުގައި ޑެޕިއުޓީ މޭޔަރު މުހައްމަދު ޔަސްރިފާއި މީދޫ ކައުންސިލަރު ހިޔާޒު ހަަސަން ދުއްވި ސައިކަލު ކަހާލައިގެން ވެއްޓުނީ ހިތަދޫ ލިންކްރޯޑުން ގޮސް ކައުންސިލު އިދާރާއަށް ދާން އޮންނަ މަގަށް އަޅާލަން އުޅުމުގެ ތެރޭގައި ހިލަވެލިތަކެއް މައްޗަށް އެރިގެން ކަމަށެވެ.
މައުލޫމާތު ލިބިފައިވާ ގޮތުގައި ޔަސްރިފުގެ އަނގަމަތިން ފަޅައިގެން ގޮސް ދެ ތުންފަތް ދުޅަވެފައިވާ އިރު، ހިޔާޒުގެ ވައަތުގެ ކުޑަ ހުޅުންވަނީ ނެއްޓިފައިފައެވެ. އެހެންކަމުން އިތުރު ފަރުވާ ހޯދުމަށް ހިޔާޒު މިއަދުގެ ވަގުތެއްގައި މާލެ ފުރުމަށްވަނީ ހަމަޖެހިފައެވެ.
އައްޑޫސިޓީ ލިންކުރޯޑަކީ ނުރައްކާތެރި އެކްސިޑެންޓުތައް މީގެކުރިން ހިނގާފައިވާ މަގެކެވެ. ބައެއް އެކްސިޑެންޓުތަކުގައި މީހުން މަރުވެފައިވެސް ވެއެވެ.
ކޮމެންޓްސް (0)