ވޯލްޑްކަޕަށް ތައްޔާރުވުމަށް އިޒްރޭލާއެކު ކުޅެން އޮތް މެޗު އާޖެންޓީނާގެ ކެޕްޓަން ލަޔަނަލް މެސީގެ އެދުމުގެ މަތިން ނުކުޅެން ނިންމައިފިއެވެ.

މި މަހުގެ ނުވަވަނަ ދުވަހު އިޒްރޭލްގައި މިދެޓީމް ވާދަކުރުމަށް ހަމަޖެހިފައި އޮތް މެޗް ކެންސަލް ކުރިކަން އާޖެންޓީނާގައި ހުންނަ އިޒްރޭލް އެމްބަސީން ވަނީ ކަށަވަރުކޮށްދީފައެވެ. މެޗް ކެންސަލް ކުރީ ޓީމްގެ ކުޅުންތެރިން މެޗް ކުޅެން ބޭނުން ނުވާތީ މެޗް ކެންސަލްކުރުމަށް އެދި ކެޕްޓަން މެސީ އާޖެންޓީނާގެ ފުޓުބޯޅަ ފެޑެރޭޝަނަށް ހުށަހެޅުމުންނެވެ.
މެޗު ނުކުޅުމަށް އާޖެންޓީނާ ޓީމުން ނިންމާފައިވަނީ އިޒްރޭލުން ގާޒާގައި ހިންގަމުންދާ އަނިޔާތަކާ ދެކޮޅަށް ތެދުވުމުގެ ގޮތުންނެވެ. މެޗު ކެންސަލްކުރުމާ ގުޅިގެން ފާއިތު ވި ދެ ވަރލްޑްކަޕްގައިވެސް މެސީއާއެކު ފޯވާޑްލައިންގައި ވިދާލި ތަރި ގޮންޒާލޯ ހިގުއެއިން ވަނީ އެއީ އެންމެ ރަނގަޅު ނިންމުން ކަމަށްބުނެ ނިންމުމަށް ވަރަށް ބޮޑަށް ތާއީދުކޮށްފައެވެ.

މީޑިޔާ ރިޕޯރޓްތައް ބުނާގޮތުން މެޗް ކެންސަލްކުރުމާ ގުޅިގެން އިޒްރޭލްގެ ބޮޑުވަޒީރު ނަތަންޔާހޫ ވަނީ އާޖެންޓީނާގެ ރައީސް މައުރީސިއޯ މެކްރީއަށް ގުޅުއްވާ ދެ ޤައުމުގެ ގުޅުން ދެމެހެއްޓުމަށް މި މެޗް ކުރިއަށް ގެންދެވޭތޯ މަސައްކަތްކަށްފައެވެ. ނަމަވެސް މިކަމަށް އާޖެންޓީނާގެ ފަރާތުން އެދެވޭ ޖަވާބެއް ނުލިބުމުން ދެ ޤައުމުގެ ހާރިޖީ ގުޅުމަށްވެސް ވަނީ ބުރޫ އަރާފައެވެ.

އެގޮތުން އިޒްރޭލްގެ ޑިފެންސް މިނިސްޓަރ ވަނީ އިޒްރޭލަށް ނަފްރަތުކުރާ މީހުން ދައްކާ ވާހަކަ އާޖެންޓީނާ ކުޅުންތެރިންނަށް ހަޖަމް ނުކުރެވުމަކީ ހިތާމައެއް ކަމަށް ބުނެފައެވެ. މެޗު ކެންސަލް ކުރުމާ ގުޅިގެން ފަލަސްތީނުގެ ފުޓުބޯޅައެސޯސިއޭޝަނުން އެކަމުގެ އުފަލުގައި ހިތްވަރުދިނުމުގެ ބަޔާނެއް ވަނީ ނެރެފައެވެ. ބަޔާނުގައި އާޖެންޓީނާގެ ކެޕްޓަން ލަޔަނަލް މެސީގެ އިތުރުން މުޅި ޓީމަށް ހާއްސަކޮށް ޝުކުރު އަދާކޮށްފައިވެއެވެ. އަދި އާޖެންޓީނާގެ މި ނިންމުމަކީ ފުޓުބޯޅައިގެ އަހުލާޤާއި ސުލޫކު ދަމަހައްޓައިދިނުމުގެ ރީތި މިސާލެއް ކަމަށްވެސް ފަލަސްތީނުން ބުނެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ސިޓީ ބަލިކޮށް 8 ޕޮއިންޓްގެ ލީޑެއް ލިވަޕޫލް ހޯދައިފި

އިގިރޭސި ޕްރިމިއާލީގުގައި ރޭ މެންޗެސްޓަރ ސިޓީއާއި ލިވަޕޫލް ބައްދަލުކުރިމެޗު ލިވަޕޫލް ކާމިޔާބުކޮށްފިއެވެ. ލިވަޕޫލްގެ ދަނޑުގައި ކުޅެވުނު މިމެޗްފަށައިގެން ގިނަވަގުތު ...

ޗެލްސީ ބަލިކޮށް އެފްއޭ ކަޕްގެ ޗެމްޕިއަންކަން ލެސްޓާ ހޯދައިފި

ޗެލްސީ ބަލިކޮށް ފުރަތަމަ ފަހަރަށް އިނގިރޭސި އެފްއޭ ކަޕް ފުޓްބޯޅަ މުބާރާތް ލެސްޓާ ސިޓީން ކާމިޔާބުކޮށްފިއެވެ. ލަންޑަންގެ ވެމްބްލީ ...

ޔޫރޯ 2020: ދުނިޔޭގެ ޗެމްޕިއަން ކަޓުވާލާ ސްވިޒަލޭންޑް ކުއާޓާއަށް

ދުނިޔޭގެ ޗެމްޕިއަން ފްރާންސް ބަލިކޮށް ޔޫރޯގެ ކުއާޓާފައިނަލަށް ސްވިޒަލޭންޑް ދަތުރުކޮށްފިއެވެ ޔޫރޯ 2020 ގެ ރައުންޑް އޮފް 16 ...