ގެއްލުނު ދެ ކުދިން ހޯދުމުގެ މަސައްކަތުގައި މިއަދު ވެސް ސިފައިން ދަނީ ހަރަކާތްތެރިވަމުން

އައްޑޫސިޓީ ހިތަދޫ ކޯއްޓޭ ސަރަޙައްދަށް މޫދަށް އެރި އުޅެނިކޮށް އިއްޔެ ގެއްލިފައިވާ ދެ ކުދިން ހޯދުމުގެ މަސައްކަތުގައި އެމްއެންޑީއެފް ސަދަން އޭރިއާއިން މިއަދު ވެސް ދަނީ ހަރަކާތްތެރިވަމުންނެވެ.

އައްޑޫސިޓީ ހިތަދޫ ރީޖަނަލް ހޮސްޕިޓަލާ ދިމާލުގައި އޮންނަ މޫދުގެ އޮއިވަރު ބާރު ސަރަހައްދަށް އެރިއުޅެނިކޮށް ގެއްލުނު ތިން ކުދިން ގެއްލުނުކަމުގެ މަޢުލޫމާތު އިއްޔެ މެންދުރު 12:15 ހާއިރު އެމްއެންޑީއެފް ސަދަން އޭރިއާ ހިތަދޫ ފަޔަރ ސްޓޭޝަނަށް ލިބުމާއެކު އެކުދިން ހޯދުމުގެ މަސައްކަތް އިއްޔެއިން ފެށިގެން އެމްއެންޑީއެފް ސަދަން އޭރިއާގެ ކޯސްޓްގާޑު ސްކޮޑްރަންއިން ދަނީ ކުރަމުންނެވެ. އަދި އެކުދިން ހޯދުމަށް ސިފައިންނާއި ރައްޔިތުން ކުރަމުންދިޔަ މަސައްކަތުން، އޭގެ ތެރެއިން އެއް ކުއްޖަކު އިއްޔެ ވަނީ ފެނިފައެވެ. މިހާތަނަށް ފެނުނު ހަމައެކަނި ކުއްޖާއަށް ހިތަދޫ ރީޖަނަލް ހޮސްޕިޓަލުގައި ވަނީ ފަރުވާދީފައެވެ.

އަނެއް ދެ ކުދިން ހޯދުމަށް އިއްޔެއިން ފެށިގެން އެމްއެންޑީއެފް ސަދަން އޭރިޔާ ކޯސްޓްގާޑު ސްކޮޑްރަންއިން ފަށާފައިވާ ޚާއްޞަ އޮޕަރޭޝަންގައި ރެއާ ހަމައަށް ހިތަދޫގެ ފުއްޓަރު ފަރާތާއި އެ ސަރަޙައްދުގައި، ވައިގެ މަގުންނާއި ކަނޑުމަގުން ގާތްގަނޑަކަށް 3 ނޯޓިކަލް މޭލުގެ ބޮޑު ސަރަޙައްދެއް ވަނީ ބަލާފައެވެ. މީގެ އިތުރުން، އެ ސަރަޙައްދުގައި އެމްއެންޑީއެފް ކޯސްޓްގާޑުގެ ޑައިވަރުން، އެ ދެކުދިން ހޯދުމުގެ މަސައްކަތް އިއްޔެ އާއި މިއަދު ވެސް ދަނީ ކުރަމުންނެވެ. އަދި، އެމްއެންޑީއެފް ފާސްޓް އިންޓަރސެޕްޓް ކްރާފްޓްގައި، ނައިޓް ވިޝަން ބޭނުންކޮށްގެން އެކުދިން ހޯދުމުގެ މަސައްކަތް ރޭ ވަނީ ކޮށްފައެވެ. ގެއްލުނު ދެ ކުދިން ހޯދުމުގެ ގޮތުން، އެމްއެންޑީއެފް ހެލިކޮޕްޓަރުގައި ވައިގެ މަގުން އިއްޔެއިން ފެށިގެން ބަލަމުންދާއިރު، މިއަދު ހެނދުނު 07:00 އިން ފެށިގެން އެމްއެންޑީއެފް ކޯސްޓްގާޑުގެ އުޅަނދުތަކުން އެސަރަހައްދުގައި ކަނޑުމަގުން ދަނީ ހަރަކާތްތެރިވަމުންނެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ފުރަބަންދަށް ލުއި ދިނަސް ސްކޫލުތައް ނުހުޅުވާނެ އަދި އާންމު ދަތުރުފަތުރު ކުރުމަށްވެސް ހުއްދައެއް ނުދޭނެ

މާލެ ސަރަޙައްދު އިތުރު 2 ހަފްތާއަށް ފުރަބަންދުގައި ބޭއްވުމަށް ނިންމައި ގިނަ ލުއިތަކެއްދޭން ނިންމައިފިއެވެ. މި ލުއިތަކުގެ ތަފްސީލް ...

ކޯވިޑް-19 : މާލެއިން ބަލި ޖެހުނު މީހުންގެ އަދަދު 13 އަަށް

އިތުރު ދިވެއްސަކު މާލެއިން ކޯވިޑް-19އަށް ޕޮޒިޓިވްވެ، މާލެއިން ޕޮޒިޓިވްވި މީހުންގެ އަދަދު 13 އަށް އަރައިފިއެވެ. މި މީހާ ...

އެއްވެސް މީހަކަށް ވަޒީފާގެ ބިރެއް ނެތް

ސަރުކާރުން އެއްވެސް މީހަކަށް ވަޒީފާގެ ބިރެއް ނުދައްކާނެ ކަމަށް ރައީސް އޮފީހުގެ ތަރުޖަމާނު މިއުވާން މުޙައްމަދު މިއަދު ވިދާޅުވެއްޖެއެވެ. ...