އެމެރިކާ އާއި އިނގިރޭސިވިލާތް އަދި ފްރާންސް ގުޅިގެން ސީރިއާ އަށް ހަމަލާދޭން ފަށައިފި އެވެ.

މި ހަމަލާތައް ދޭން ފަށާފައި މިވަނީ ސީރިއާ ސަރުކާރުން، އެގައުމުގެ ދޫމާއަށް މިދިޔަ ހޮނިހިރު ދުވަހު ދިން ކެމިކަލް ހަމަލާއާއި ގުޅިގެން އޭގެ ރައްދެއްގެ ގޮތުގައިކަމަށް އެމެރިކާއިން ވަނީ ބުނެފައެވެ.

އެމެރިކާ ރައްޔިތުންނާ މުޚާތަބުކުރައްވާ އެމެރިކާގެ ރައީސް ޓްރަމްޕް މިއަދު ވިދާޅުވީ އެމެރިކާއާއި އިގިރޭސިވިލާތް އަދި ފްރާންސް ގުޅިގެން ސީރިއާ އަށް ހަމަލާދޭން ފަށާފައިވާ ކަމަށެވެ.

އިނގިރޭސިވިލާތުގެ ބޮޑުވަޒީރު ތެރެސާ މޭ ވެސް ވަނީ ސީރިޔާއަށް ހަމަލާ ދިނުމުގައި އިނގިރޭސިވިލާތުން ބައިވެރިވާކަން ޔަގީންކޮށްދެއްވައިފަ އެވެ. މީގެ އިތުރަށް ސީރިޔާއަށް ހަމަލާދިނުމުގައި ފްރާންސްގެ އަސްކަރިއްޔާ އިން ބައިވެރިވާކަން އެގައުމުގެ ބޮޑުވަޒީރު އެމެނުއަލް މެކްރޮން ވެސް ވަނީ ޔަގީންކޮށްދެއްވައިފަ އެވެ.
އެމެރިކާއިން ބުނި ގޮތުގައި ސީރީއާގައި ހުންނަ ސައިންޓިފިކް ރީސާޗް ފެސިލިޓީއަކަށާއި ކެމިކަލް ހަތިޔާރު ރައްކާކުރާ ތަނަކަށްވެސް ވަނީ ހަމަލާދީފައެވެ.

ސީރިއާއަށް ދޭން ފެށި ހަމަލާތަކާ ގުޅިގެން ރަޝިޔާއިން ބުނީ އެ ހަމަލާތަކަށް ރައްދު ނުލިބި ނުދާނެ ކަމަށެވެ. އަދި ހަނގުރާމައެއް ފެށިދާނެ ކަމުގެ އިންޒާރު ރަޝިޔާއިން ވަނީ ދީފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އެމެރިކާގެ އެއްވެސް އެހީއެއް ބަލައިނުގަތުމަށް ފަލަސްތީނުގެ މަދަނީ ޖަމާޢަތްތަކުން ނިންމައިފި

ޤުދުސަކީ އިސްރާއީލުގެ ވެރިރަށްކަމަށް އިސްރާއީލުން ނިންމި ނިންމުން ބަލައިގަތުމަށާއި އިސްރާއީލުގައިވާ އެމެރިކާގެ އެމްބަސީ ޤުދުސަށް ބަދަލުކުރުމަށް ރައީސް ޑޮނަލްޑް ...

ޠާލިބާނުންގެ ވެރިކަން ބަލައިގަނެގެން ނުވާނެ: އިނގިރޭސިވިލާތް

އަފްޣާނިސްތާނުގައި ޤާއިމުކޮށްފައިވާ ޠާލިބާން ޖަމާޢަތުގެ ވެރިކަން ބަލައިނުގަންނަން އިނގިރޭސިވިލާތުން ގޮވާލައިފިއެވެ. އިނގިރޭސިވިލާތުގެ ބޮޑުވަޒީރު ބޮރިސް ޖޮންސަން ޢާންމުކުރެއްވި ވީޑިޔޯއެއްގައި ...

50 އަހަރު ފަހުން އެމެރިކާގައި އެބޯޝަން ހެދުން ނިމުމަކަށް ގެނެސްފި

އެމެރިކާގައި އެބޯޝަން ހުއްދަ ކޮށްފައި އޮތް އޮތުން އެގައުމުގެ ސުޕްރީމް ކޯޓުން ނިމުމަކަށް ގެނެސްފިއެވެ މީގެ 50 އަހަރު ...