އައްޑޫ މީދޫއަކީ ޒަމާނުއްސުރެ ދިވެހިރާއްޖޭގެ އިލްމީ މައިދާނުގައި ފާހަގަ ކުރެވޭ ރަށެއްކަމަށާ އަދި ޒަމާނުއްސުރެ ފަންނުވެރިކަން އޮތްރަށެއްކަމުން މަޖިލިހުގައި މީދޫ ތަމްސީލްކުރަން ހޮވަން ޖެހޭނީ މީދޫ މީހުންނަށް ފަޚުރުވެރިވޭވަރުގެ މީހެއްކަމަށް މީދޫދާއިރާއަށް ވާދަކުރައްވާ އަލްއުސްތާޒު އިޔާޒު ނަސީމު ވިދާޅުވެއްޖެވެ.
އިޔާޒު މިހެން ވިދާޅުވީ އިޔާޒުގެ ކެމްޕެއިންރަސްމީކޮށް އިފްތިތާހު ކުރުމަށް މީދޫގައި ހުުކުރުދުވަހުގެރޭ ބޭއްވި ބައްދަލުވުމުގައި ވާހަކަފުޅު ދައްކަވަމުންނެވެ.
އިޔާޒު ވިދާޅުވީ ރަށްޔިތުންގެ މަޖިލިހުގެ މީދޫ ދާއިރާއަށް އޭނާ ހޮއްވަވައި ދެއްވަވައިފިނަމަ ދާއިރާގެ ބޭފުޅުން މާޔޫސް ނުރައްވާނެކަމަށާ މިގޮތުން މަޖިލިހުގައި އަޑުގަދަ ކުރަންޖެހިއްޖެނަމަ އޭނާއަށްވުރެ ވަކިން ބާރަށް އަޑުގަދަ ކުރެވޭނެ މީހަކު ނުހުންނާނެކަމަށް ވިދާޅުވެ ވާހަކަފުޅު ދައްކަވަމުން އިޔާޒު ވިދާޅުވީ މަޖިލިހުގައި ހިކުމަތްތެރިކަމާއެކު މަޝްވަރާގެ އުސޫލުން ކަންކަން ނިންމަން ވެއްޖެނަމަ ކެތްްތެރިކަމާއި ހިކުމަތްތެރިކަމާއެކީ މަޝްވަރާގެ އުސޫލުން ކަންކަންކުރުމަށް އޭނާއަށްވުރެ ވަކި ފުރިހަމައަށް އެކަން ކުރެވޭނެ މީހަކުވެސް ނުހުންނާނެކަމަށެވެ.
އޭނާއަކީ އިސްލާމިކް ސްޓަޑީޒްގެ ދާއިރާއިން ކިޔަވައިގެން އެދާއިރާ ދަންނަ މީހެއްކަމަށް ވިދާޅުވެ ވާހަކަފުޅު ދައްކަވަމުން އިޔާޒު ވިދާޅުވީ މަޖިލިހަކީ ގާނޫންތަކާއި އުސޫލްތައް ހަދާ މަޖިލިހަކަށްވާއިރު ގާނޫނީގޮތުން 2004 ވަނަ އަހަރުން ފެށިގެން އެއިރުއޮތް ޚާއްސަ މަޖިލިހުގައި ތިއްބެވި މެމްބަރުންނާއި ރަށްޔިތުންގެ މަޖިލިހުގެ މެމްބަރުންނަށް އޭނާ ފަންނީ ލަފާ ދެމުން ގޮސްފައިވާކަމަށެވެ.
މީގެއިތުރަށް މިބައްދަލުވުމުގައި ވާހަކަފުޅު ދައްކަވަމުން އިޔާޒު ވިދާޅުވީ ކޮންމެ ފަހަރަކު އިންތިޚާބެއް ކައިރިވުމުން ބައެއް މީހުންނަ ހީވެފައި އޮންނަނީ މިރަށުގެ ޒުވާނުންނަކީ ތިމަންނަމެން ހަދިޔާކުރާ އެންމެ ފުޓްބޯޅާކަށް ނުވަތ ޖޯޒީބާކަށް ވިކޭނެ ބައެއްކަމަށެވެ. އެއީ އެކަން އޮންނަ ޖެހޭގޮތް ނޫންކަމަށް ވިދާޅުވެ ވާހަކަ ފުޅުދައްކަވަމުން އިޔާޒުވިދާޅުވީ، އޭނާ މަޖިލިހަށް ހޮއްވަވައި ދެއްވައިފިނަމަ މިރަށުގެ ޒުވާނުންނަށްޓަކައި 5 އަހަރު ކެނޑިނޭޅި މަސައްކަތް ކޮށްދެއްވާނެކަމަށެވެ .
މިއިންތިޚާބް ނިމެނެމެއި ޒުވާނުން ހަދާން ނިނައްތާށުން، ޒުވާނުންނަށް މަގޭހިތެއޮއްގަދަރާއި ލޯބި އެކުދީންނަށް މިކޯ ވަޒަންވޭހެއް ، ހުށުހެއި ބޭފުޅުންނަސް ވޯޓްލާގެން މަހޮވައި ދޭއްވީ ، އިރާދަކުރެއްވިފެހޭ ތޭގެ ތެރެއިން އެއްވެސް ބޭފުޅަކާ އަވަ މާޔޫސް ނިކެރާށުން ،
އިޔާޒު ވިދާޅުވިއެވެ.
އިޔާޒު ވިދާޅުވީ ދިވެހިރާއްޖޭގެ ގާނޫނު ހަދާމަޖިލިހުގެ މެޖޯރިޓީ ސަރުކާރަށް ނުލިބިއްޖެނަމަ ސަރުކާރަކުން ރަށްޔިތުންނަށް ކޮށްދެވޭނެ އެއްވެސް ކަމަށް ނޯންނާނެކަމަށާ އަދި ސަރުކާރާ ދެކޮޅަށް މިހާރުވެސް މަޖިލިހުގެ ތެރެއިން ބަޣާވާތް ކުރަން އުޅެމުންދާއިރު އިދިކޮޅު ފަރާތްތަކަށް މަޖިލިހުގެ މެޖޯރިޓީ ދިނުމަކީ ވަރަށް ނުރައްކާތެރިކަމެއްކަމަށެވެ.
އެހެންވީމެއި އަފިރިން ވިސްނާއް ތެބެޖެހެއި. އަފިރިންގެ މިރަށުން ރައީސް ޑރ މުއިއްޒުއަށް ބޮޑޮ ތަރުހީބަށް ދެރެފެއި ބޮޑޮތާއީދަކުން ބޮޑޮ އަޣުލަބިއްޔަތަށް ދިނުމަށްފަހި ރައީސް މުއިއްޒާއި ދެކެޑަށް މަޖިލިހުން ކެރާހިގާ ބަޣާވާތާއި އަފިރިންބައިވެރިވޭއްވީތޯ ނުވަތަ ނޫންތޯ ، ބައިވެރިވެގެން ނިވޭހެއް ، މިރަށުން ހޮވާއްވޭނެއި ޕީއެންސީގެ ކެނޑިޑޭޓް މިރަށުން ހޮވާނެއި ސަރުކާރުގެ ކެނޑިޑޭޓް މިރަށުން ހޮވާނެއި ޑރ ، މުއިއްޒުގެ ކެނޑިޑޭޓް ، އެމީހާކީ މިހިށީ ،
އިޔާޒު ވިދާޅުވިއެވެ.
advertisement
ކޮމެންޓްސް (0)