ކ.ގިރިފުށްޓާއި ސ.ގަމުގައި އަސްކަރީ ތަމްރީނުތަކެއް ކުރިއަށް ގެންދަން މޯލްޑިވްސް ނޭޝަނަލް ޑިފެންސް ފޯސްއިން ނިންމައިފިއެވެ.
ގިރިފުށީގައި އަސްކަރީ ތަމްރީނުތައް ކުރިއަށް ގެންދަން ހަމަޖެހިފައިވަނީ ޑިސެމްބަރު 13, 14 އަދި 15 ވަނަ ދުވަހުގެ 18:30 އިން 22:00 އަށެވެ.
މި ތަމްރީނުތަކުގައި AK-103 ސީރިޒް ރައިފަލް ބޭނުން ކުރާނެއެވެ. ވައިގެ ސަރަހައްދު ބޭނުންކުރޭނެ އެންމެ ދުރުމިނަކީ 3000 މީޓަރުކަމަށްވާއިރު ވައިގެ ސަރަހައްދު ބޭނުންކުރާނެ އެންމެ އުސްމިނަކީ 300 މީޓަރެވެ. ވައިގެ ސަރަހައްދު ބޭނުންކުރާނެ އެންމެ ތިރިމިނަކީ ސީ.ލެވެލް އެވެ. ވައިގެ ސަރަހައްދު ބޭނުންކުރާނެ ޑައިރެކްޝަނަކީ ގިރިފުށީގެ ރޭންޖްއިން ހުޅަނގު ދެކުނެވެ.
ގަމުގައި އަސްކަރީ ތަމްރީނުތައް ކުރިއަށް ގެންދަން ހަމަޖެހިފައިވަނީ މާދަމާއިން ފެށިގެން ޑިސެމްބަރު 14 އަށް މިއިން ކޮންމެ ދުވަހެއްގެ 18:00 އިން 23:59 އަށެވެ.
މި ތަމްރީނުތަކުގައި މިނީފްލޭއަރ, ޓްރިޕް ފްލޭއަރ, ޕައިރޯސް ބޭނުންކުރާނެއެވެ. ވައިގެ ސަރަހައްދު ބޭނުންކުރާނެ އެންމެ އުސްމިން 200 މީޓަރެވެ. ވައިގެ ސަރަހައްދު ބޭނުންކުރާނެ ތަނަކީ ގަމެވެ.
މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަނުން ވަނީ އެ ސަރަހައްދުތަކުން ކަނޑު ދަތުރުފަތުރުކުރާ ފަރާތްތަކުން އެ ކަންކަމަށް ސަމާލުކަން ދެއްވައިގެން ދަތުރުފަތުރު ކުރެއްވުމުގެ ކަންކަން ކުރިއަށް ގެންދިއުމަށް އަންގައިފައެވެ.
ކޮމެންޓްސް (0)