ހުޅުދޫގައި މީހެއްގެ ބޮލަށް ހަމަލާދީ ޒަޚަމްކޮށްލައިފި އެވެ.
މައުލޫމާތު ލިބިފައިވާގޮތުގައި މިމަހުގެ 1 ވަނަ ދުވަހުގެރޭ 10:30 އެހައިކަންހާއިރު ހިނގި އެ ހާދިސާގައި އަނިޔާލިބިފައި ވަނީ ހުޅުދޫ ކަނޑުފިށި ފިހާރަ ހިންގަމުންދާ މާހިރުއަށެވެ.
މާހިރުގެ ބޮލަށް ހަމަލާދީފައިވަނީ އެރޭ ފިހާރަ ބަންދުކުރުމަށްފަހު ގެއަށް ދިޔަ މަގުމަތީގައ ދޫރެސް ކަންމަތިންނެވެ. މާހިރު ބޮލަށް ލަކުޑިގަޑަކުން ހަމަލާދިނުމުން މާހިރު ބިމަށް ވެއްޓުނު ވަގުތު މާހިރު އަތުގައި އޮތް ދަސް ފޭރިގަނެގެން ހަމަލާދިންމީހާވަނީ ފިލާފައެވެ. ފޭރިގަތް ދަބަހުގައި އޮތީ މާހިރުގެ މޯބައިލްފޯނާއި ފިހާރައިގެ ބައެއް ލިޔެކިއުންތައްކަމަށް މައުލޫމާތު ލިބިފައިވެއެވެ. މާހިރުއަށް ހުޅުމީދޫ ސިއްހީމަރުކަޒުން ފަރުވާދިނުމަށްފަހު ހިތަދޫ ރީޖަނަލް ހޮސްޕިޓަލަށް ގެންގޮސް އިތުރުފަރުވާދުނުމަށްފަހު މިހާރުވަނީ ދޫކޮށްލެވިފައެވެ.
މިމައްސަލަ ހުޅުމީދޫ ޕޮލިސްސްޓޭޝަނުން މިހާރު ދަނީ ތަހުގީގުކުރަމުންކަމަށާ އެހެން ނަމަވެސް މިމައްސަލައާއި ގުޅިގެން އަދި މިހާތަނަށް މީހަކު ހައްޔރުކޮށްފައިނުވާކަމަށް މައުލޫމާތު ލިބިފައިވެއެވެ.
ކޮމެންޓްސް (0)