މަހަށް ނުކުމެ އުޅުނު ގއ. ގެމަނަފުށީ އޯކިޑް 707 ބިންދައިގެން ގޮސްފި އެވެ.
އެނގިފައިވާ ގޮތުގައި ހާދިސާގައި މީހަކަށް ހާނީއްކައެއް ނުވެ އެވެ.
މައުލޫމާތު ލިބިފައިވާ ގޮތުގައި މިދޯނި ބިންދައިގެން ގޮސްފައި ވަނީ ފުވައްމުލަކު ސިޓީއާ ދިމާލުން 20 މޭލު ބޭރުންނެވެ. އަދި ދޯނި އޮތް ސަރަހައްދަށް ދަތުރުކުރުމަށް ދެ ގަޑިއިރު ހޭދަވާނެ އެވެ.
advertisement
އޯކިޑު 707 ގެ ފަޅުވެރިއަކު ބައެއް މީޑިއާތަކަށް މައުލޫމާތު ދެމުން ބުނީ ދޯނި ބިންދައިގެން ގޮސް ދެފަޅިވެފައި ވަނީ، ވިއްސާރަވެ ކަނޑުގަދަވުމުގެ ސަބަބުން ކަމަށެވެ.
އަދި ދޯނި ބިންދައިގެންދިޔަނަމަވެސް ސެޓުލައިޓު ފޯނުގެ އެހީގައި ކަމާބެހޭ ފަރާތްތަކާއި މުއާމަލާތުކުރެވެމުން ދާކަމަށްވެސް ދޯނީގެ ފަޅުވެރިއަކާ ހަވާލާދީ ބައެއް މީޑިއާތަކުން ބުނެފައިވެއެވެ.
އޯކިޑު 707 އަކީ 111 ފޫޓުގެ ދޯންޏެކެވެ. ބިންދައިގެން ދިޔައިރު އޭގައި ތިބީ 42 ފަޅުވެރީންނެވެ.
މައުލޫމާތު ލިބިފައިވާގޮތުގައި ބިންދައިގެންދިޔަ ދޯނި އޮތްސަރަހައްދަށް މަސްދޯނިފަހަރާއި އެމްއެންޑީއެފްގެ ލޯޗެއްވެސް މިހާރު ދަނީ ދަތުރުކުރަމުންނެވެ.
advertisement
ކޮމެންޓްސް (0)