ރާއްޖެ އިން ފަލަސްތީނަށް ތާއީދުކޮށް، ދިވެހިން ތިބީ އެ ޤައުމާއެކު ކަން ހާމަކުރަމުން އަންނާތީ، އިޒްރޭލުގެ ރައްޔިތުން ރާއްޖެއަށް ދަތުރު ނުކުރުމަށް އެ ޤައުމުގެ ފޮރިން މިނިސްޓްރީން އަންގައިފި އެވެ.
އިޒްރޭލުގެ ފޮރިން މިނިސްޓްރީން ރޭ ދަންވަރު ނެރުނު އެޑްވައިޒަރީއެއްގައި ބުނީ ރާއްޖޭގެ މާހައުލު މިހާރު އޮތީ އިޒްރާއީލާ ވަރަށް ބޮޑަށް ދެކޮޅަށް ކަމަށެވެ.
އެހެންކަމުން، އެ މިނިސްޓްރީން ވަނީ މި ދުވަސްވަރު އިޒްރޭލު މީހުން ރާއްޖެއަށް ދަތުރު ނުކުރުމަށް އަންގާފައެވެ.
އިޒްރޭލު ރައްޔިތުން ރާއްޖެއަށް ދަތުރު ނުކުރުމަށް އެ ޤައުމުގެ ސަރުކާރުން އަންގާފައި ވާއިރު ބައިނަލްއަގްވާމީ މައިދާނުތަކުގައި ވެސް އިޒްރޭލުގެ އަމަލުތައް ކުށްވެރިކޮށް،ދިވެހި ސަރުކާރުން ދަނީ ފަލަސްތީނަށް ދެމުންގެންދާ ހަމަލާތައް ހުއްޓާލުމަށް ގޮވާލަމުންނެވެ.
މީގެ އިތުރުން ރާއްޖޭގެ ރައްޔިތުން ފަލަސްތީނާއެކު ތިބިކަން ހާމަ ކުރުމަށް މިދިޔަ ހުކުރު ދުވަހު ވަނީ އާޓިފިޝަލް ބީޗާއި ރާއްޖޭގެ އެކި ރަށްރަށުގައި އެއްވެ ހިނގާލުން ބާއްވާ ޝުއޫރު ފާޅުކޮށްފައެވެ.
ހަމަ އެހެންމެ ޔަހޫދީ އިޒްރޭލުގެ ލާއިންސާނީ ޖަރީމާތަކުގައި ހާލުގައި ޖެހިފައިވާ ފަލަސްތީނުގެ ރައްޔިތުންނަށް އެހީވުމަށް ދިވެހިން އަންނަނީ ގިނަ ހަރަކާތްތަކެއް ހިންގަމުންނެވެ.
![](https://voiceofmeedhoo.info/wp-content/uploads/2023/10/noorahdheen.jpg)
ކޮމެންޓްސް (0)