އައްޑޫސިޓީ ޕޮލިސް ރިކްރިއޭޝަން ކުލަބު ސައުތު ބްލޫޒްއިން އިންތިޒާމްކޮށްގެން ބާއްވާ ފޯރިގަދަ ވޮލީ މުބާރާތުގެ ސެމީ ފައިނަލްގެ މެޗުތައް މިއަދާއި މިރޭ ކުޅެވޭނެއެވެ.
ސައުތު ބްލޫޒް ވުމަންސް ވޮލީބޯލް ޓޫނަމެންޓްގެެ ނަމުގައި މީދޫ އިޖްތިމާއީމަރުކަޒުގެ ވޮލީ ދަނޑުގައި ކުރިއަށްދާ މިމުބާރާތުގެ ސެމީ ފައިނަލްގެ ފުރަތަމަ މެޗުގައި މިއަދު ހަވީރު 4:00 ގައި ބައްދަލު ކުރާނީ މިމުބާރާތުގައި މިހާތަނަށް ކުޅުނު ހުރިހާ މެޗަކުން މޮޅުވެފައިވާ ފުވައްމުލަށް ސިޓީ ޕޮލިސް އާއި އައްޑޫސިޓީ ޕޮލިސްއެވެ.
ސެމީ ފައިނަލްގެ ދެވަނަ މެޗުގައި މިރޭ 20:00 ގައި ބައްދަލު ކުރާނީ ގދ. ޕޮލިސްއާއި ގއ. ޕޮލިސްއެވެ.
އައްޑޫސިޓީ ޕޮލިސްޓީމު – މިޓީމު މިއަދު ހަވީރު ސެމީގައި ބައްދަލުކުރާނީ ފުވައްމުލަށް ޕޮލިސްޓީމާ
ފުވައްމުލަށް ސެމީ ފައިނަލަށް ދަތުރު ކުރީ ކުޅުނު އެއްވެސް މެޗަކުން ބަލިނުވެ ޕޮއިންޓް ޓޭބަލްގެ އެއްވަނަ ހޯދައިގެންނެވެ. އައްޑޫޕޮލިސް ކުޅުނު ތިންމެޗުގެ ތެރެއިން ދެ މެޗުން މޮޅުވި އިރު، އެއް މެޗުން ވަނީ ބަލިވެފައެވެ.
ގއ. ޕޮލިސްޓީމު މުބާރާތުގެ ސެމީ އަށް ދަތުރުކުރީ ޕޮއިންޓް ސިސްޓމަށް ކުޅެވުނު މެޗްތަކުން ތިންވަނަ ޓީމުގެ ގޮތުގައެވެ. މިޓީމު ކުޅުނު 3 މެޗުގެ ތެރެއިން ދެ މެޗުން ބަލިވިއިރު އެއް މެޗުން ވަނީ މޮޅުވެފައެވެ.
ގދ. ޕޮލިސް މުބާރާތުގެ ސެމީ އަށް ދިޔައީ ޕޮއިންޓްސިސްޓަމަށް ކުޅުނު މެޗްތަކުން 4 ވަނަ ލިބިގެންނެވެ. އެ ޓީމު ކުޅުނު ތިން މެޗުގެ ތެރެއިން ތިން މެޗުން ވެސް އެޓީމު ވަނީ ބަލިވެފައެވެ.
ކޮމެންޓްސް (0)