އެއްބުރުން ރިޔާސީ އިންތިޚާބު ކާމިޔާބު ކުރެވޭނެ ކަމަށް އެމްޑީޕީގެ ޗެއާޕާސަން ފައްޔާޒް އިސްމާއިލް ވިދާޅުވެއްޖެއެވެ.
ފައްޔާޒު މިހެން ވިދާޅުވީ އިއްޔެ އެމްޑީޕީގެ އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ވާހަކަ ފުޅުދައްކަވަމުންނެވެ.
އެމްޑީޕީގެ ޗެއާޕާސަން އަދި އިކޮންމިކް މިނިސްޓަރު ވިދާވީ އެ ޕާޓީން މެމްބަރުންތަކެއް ވަކިވިޔަސް ރިޔާސީ އިންތިޚާބަށް އޭގެ އަސަރެއް އެމްޑީޕީއަށް ނުކުރާނެ ކަމަށެވެ.
ފައްޔާޒު އިތުރަށް ވިދާޅުވީ ރިޔާސީ އިންތިޚާބު ކާމިޔާބު ކުރުމުގެ ފުރުސަތު އަދިވެސް އެންމެ ބޮޑީ އެމްޑީޕީގެ ރިޔާސީ ކެންޑިޑޭޓް ރައީސް ސާލިޙަށް ކަމަށާއި އެމަނިކުފާނަށް އެއްބުރުން ރިޔާސީ އިންތިޚާބު ކާމިޔާބު ކުރެވޭނެ ކަމަށް ފައްޔާޒު ވިދާޅުވިއެވެ.
މީގެ އިތުރުން ފައްޔާޒު ވިދާޅުވީ ސިޔާސީ ކަންކަމުގައި މިހާރު ހިސާބުތައް ޖަހަނީ ނަޝީދާއި އެމަނިކުފާނަށް ތާއިދުކުރާ މެންބަރުންގެ ވޯޓް އެމްޑީޕީއަށް ނުލިބޭނެކަމަށް ބަލައިގެންކަމަށެވެ.
ކޮމެންޓްސް (0)