މީދޫ ގޮޑުދޮށަށް ކުނި ނޭޅުމަށް ނަލަފެހިން އިލްތިމާސް ކޮށްފިއެވެ.
ތިމާވެށީގެ ހައްގުގައި މަސައްކަތްކުރާ އަމިއްލަ ޖަމްއިއްޔާއެއްކަމަށްވާ ” ނަލަފެހި ” މިގޮތައް އިލްތިމާސްކޮށްފައި މިވަނީ މަސްކެޑުމަށްފަހު ކަރުގޮހޮރާއި ކުނިވާޒާތުގެ ބައެއް ތަކެތި، މިހާރަކަށް އައިސް ” މީދޫ ބުރިކެޑެ މަގި ” ސަރަހައްދުގެ ގޮޑުދޮށަށް އަޅަމުންދާތީ އެކަން ފާހަގަކުރެވިގެންނެވެ.
ނަލަފެހިން ހާމަކޮށްފައިވާގޮތުގައި މިކަމަކީ ކައުންސިލުން ކުރިން ވެސް މަނާ ކޮށްފައިވާ ކަމެއް ކަމަށާއި މިގޮތަށް އެއްވެސް ބާވަތެއްގެ ކުންޏެއް ގޮޑު ދޮށަށް އެޅުމަކީ ސާފުތާހިރުކަން ގެއްލި، ގޮޑުދޮށް ބޭނުންކުރާ ފަރާތްތަކަށް އެކަމުގެ ދަތިތައް ކުރިމަތުވަމުންދާ ކަމެއްގެ ގޮތުގައި ނަލަފެހިން ވަނީ ފާހަގަކުރައްވާފަވެއެވެ.
އެހެންކަމުން ގޮޑުދޮށުގެ ސާފްތާހިރުކަން ގެއްލޭގޮތައް އެއްވެސް ފަރާތަކުން އެއްވެސް ބާވަތެއްގެ ކުންޏެއް ގޮޑުދޮށުގެ ނޭޅުމަށް ނަލަފެހިން ވަނީ އެދިފައެވެ.
ގިނަ ބަޔަކު ގުޅިގެން މީދޫގެ އަތިރިމަތި ސާފުކުރުމުގެ ޕްރޮގްރާމް ދޭތެރެ ދޭތެރެއިން ނަލަފެހިން ކުރަމުންދާކަން ފާހަގަކޮށްލަންޖެހެއެވެ.
ކުނި އުކާލާ ފަރާތްތަކުން އެމީހުންގެ ފަރުދީ ޒިންމާ އަދާނުކުރުމަކީ ގިނަ ބަޔަކަށް އެކަމުގެ ނޭދެވޭ އަސަރު ކުރާނެ ކަމެކެވެ.
ކޮމެންޓްސް (0)