ތަފާތު ވިޔަފާރިތަކާއެކު އައްޑޫގައި ޝޮޕިންގް މޯލެއް ހުޅުވަނީ

ތަފާތު ވިޔަފާރިތަކާއި އެހެނިހެން ހިދުމަތްތަކާ އެކު، އައްޑޫސިޓީގެ ފޭދޫގައި ޝޮޕިންގް މޯލެއް ހުޅުވުމުގެ މަސައްކަތް ކުރަމުން އެބަ ދެއެވެ.

އައްޑޫއަށް އުފަން ދެބެއިން ކަމުގައިވާ އަހުމަދު ޒާހިދާއި އަބްދުﷲ ޔާސިރު ގުޅިގެން “އޮއިސިސް”ގެ ނަމުގައި ހުޅުވަން ހަމަޖެހިފައިވާ އެ ޝޮޕިންގް މޯލް މިހާރު ވަނީ އިމާރާތްކޮށް ނިންމާފައެވެ. އަދި ޝޮޕިންގް މޯލް ހުޅުވަން ހަމަޖެހިފައިވަނީ މި އަހަރުގެ މާޗު މަހުގައެވެ.

އައްޑޫ ސިޓީ ފޭދުގައި ހުޅުވަންް ހަމަޖެހިފައިވާ ޝޮޕިން މޯލް — ފޮޓޯ/ އޮއެސިސް

އޮއިސިސް މޯލްގެ މަސްއޫލުވެރި ދެބެއިންގެ ތެރެއިން އަހުމަދު ޒާހިދު “ސަން”އަށް ވިދާޅުވީ، އެ މޯލް މިހާރު އިމާރާތްކޮށް ނިމިފައިވާއިރު އެ އެތަނުގައި ފިހާރަތަކުގެ އިތުރުން ކޮފީޝޮޕަކާއި ބޭކަރީއަކާއި ރެސްޓޯރެންޓެއްގެ އިތުރުން އެގްޒިބިޝަން ހޯލެއްވެސް ހުންނާނެ ކަމަށެވެ.

ޖުމްލަ 20 ޔުނިޓް ހިމެނޭ އޮއިސިސް ޝޮޕިންގް މޯލުން ޔުނިޓުތައް ކުއްޔަން ދޫކުރަން މިހާރު ހުޅުވާލައިފަވާކަމަށް ޒާހިދު ވިދާޅުވިއެވެ. އެތަނުން ޔުނިޓު ކުއްޔަށް ނަގައިގެން ވިޔަފާރި ކުރަން ބޭނުންވާ ފަރާތްތަކުން އެ މޯލްގެ ފޭސްބުކް ޕޭޖް މެދުވެރިކޮށް މައުލޫމާތު ސާފު ކުރެވޭނެއެވެ.

އައްޑޫ ސިޓީ ފޭދުގައި ހުޅުވަންް ހަމަޖެހިފައިވާ ޝޮޕިން މޯލް — ފޮޓޯ/ އޮއިސިސް

ޒާހިދު ވިދާޅުވީ، ޝޮޕިންގް މޯލެއް އަޅަން ނިންމި ސަބަބަކީ، އައްޑޫގައި ވިޔަފާރިކުރާ ގޮތް ތަފާތު ކުރުމެވެ.

“މިހާރުވެސް އައްޑުގައި ބޮޑެތި ތަންތަނުގައި އެއްފިހާރަ ހަދައިގެން ވަރަށް ގިނައިން ވިޔަފާރި ކުރޭ. އެހެން ވީމަ އަހަރެމެން ބޭނުންވީ އޭތި ތަފާތު ކޮށްލަން. އެގޮތުން އެއްތަނަކުން އެކި ތަފާތު ހިދުމަތް ދޭ ގޮތައް އެހެން މީހުންނަށް ތަންތަން ކުއްޔަށް ދީގެން ޝޮޕިން މޯލެއް އަޅަން ނިންމީ،” ޒާހިދު ވިދާޅުވިއެވެ.

އައްޑޫ ސިޓީ ފޭދުގައި ހުޅުވަންް ހަމަޖެހިފައިވާ ޝޮޕިން މޯލް — ފޮޓޯ/ އޮއިސިސް

އޮއިސިސް ޝޮޕިންގް މޯލް ހުންނަނީ އައްޑޫ ސިޓީގެ ފޭދޫގެ ބޮޑުމަގުގައި ކަމުން، ގަން އިންޓަނޭޝަނަލް އެއާޕޯޓުން އެތަނަށް ފަސޭހައިން ދަތުރުކުރެވޭނެ ކަމަށްވެސް ޒާހިދު ވިދާޅުވިއެވެ. އަދި އެހިސާބަކީ ގެސްޓްހައުސްތަކެއްވެސް ހުންނަ ހިސާބެއްކަމަށްވެސް އޭނާ ވިދާޅުވިއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ގަމަށް ފްލައި ދުބާއީގެ ދަތުރުތައް ފެށުމުން ހުވަދޫއަށް ކަނެކްޝަން ދޭނީ މޯލްޑިވިއަނުން

ފްލައި ދުބާއީ ދަތުރުތަށް އައްޑޫސިޓީގެ ގަމަށް ފެށުމާއި އެކު މޯލްޑިވިއަން އިން ހުވަދޫ ކަނެކްޝަން ދޭނެ ކަމަށް މޯލްޑިވިއަން ...

އިންޑިއާ ކަނޑުގެ އެންމެ ހިތްގައިމު ރިޒޯޓަކަށް ނިޔާމަ ޕްރައިވެޓް އައިލެންޑް މޯލްޑިވްސް

ކޮންޑެނާސް ޓްރެވަލަރޒް ރީޑާރޒް ޗޮއިސް އެވޯޑްސްގެ އިންޑިއާ ކަނޑުގެ އެންމެ ހިތްގައިމު ރިޒޯޓުގެ އެވޯޑު ނިޔާމަ ޕްރައިވެޓް އައިލެންޑް ...

މާފަރު އެއާޕޯޓަށް ޓެސްޓް ފްލައިޓު ޖައްސައިފި

ނ. މާފަރުގައި ތަރައްގީ ކޮށްފައިވާ އިންޓަނޭޝަނަލް އެއާޕޯޓަށް ޓެސްޓް ފްލައިޓް ޖައްސައިފި އެވެ. މާފަރު އެއާޕޯޓަކީ، ސިންގަޕޫރުގެ ޓަފް ...