އައްޑޫ ފުޓުބޯޅަ ޗެމްޕިއަންޝިޕް 2022 ” ނަމުގައި މިމަހުގެ 29 ވަނަ ދުވަހުން ފެށިގެން ހިތަދޫގައި ބޭއްވުމަށް ހަމަޖެހިފައިވާ ފުޓްބޯޅަ މުބާރާތުގައި މީދުން ބައިވެރިވި ކްލަބް ލޮތާރީގެ ޓީމް މިމުބާރާތައް ތައްޔާރު ވުމަށްޓަކައި ހުކުރު ދުވަހު ކުޅުނު އެކުވެރިކަމުގެ މެޗުން ލޮތާރި ޓީމް ބަލިވެއްޖެވެ.
ހުކުރު ދުވަހުގެ ހަވީރު މީދޫ ފުޓްބޯޅަ ދަނޑުގައި ކުޅެވުނު މިމެޗްގައި ހިތަދޫ މައިލޯސިޓީ އެފްސީއާއި ބައްދަލުކޮށް ލޮތާރި ޓީމް ބަލިވެފައިވަނީ 5 ލަނޑު 2 ލަނޑުންނެވެ.
މިމެޗްގެ ފުރަތަމަ ހާފް ދެޓީމުންކުރެ ޓީމަކަށް ލަނޑެއް ޖެހިފައިނުވެއެވެ. މިމެޗްގައި ދެޓީމުންވެސް ކާމިޔާބުކޮށްފައިވާ ލަނޑުތައް ކާމިޔާބުކޮށްފައިވަނީ ފަހުހާފްގައެވެ.
ލޮތާރި ޓީމް މިމެޗުން ބަލިވިކަމުގައިވިޔަސް މިމެޗްގައި ރަނގަޅު ކުޅުމެއް ލޮތާރި ޓީމްގެ ފަރާތުން ފެނިގެން ގޮސްފައިވެއެވެ.
މިމުބާރާތައް ތައްޔާރު ވުމުގެ ގޮތުން މީގެ ކުރީންވެސް ލޮތާރި ޓީމުން ވަނީ އެކުވެރިކަމުގެ ދެމެޗެއް ކުޅެފައެވެ. އޭގެ ތެރެއިން މަރަދޫޓީމާ ބައްދަލުކޮށް ކުޅުނުމެޗް 4 ލަނޑު 3 ލަނޑުންލޮތާރި ޓީމް ކާމިޔާބުކޮށްފައިވާއިރު ހިތަދޫ ޒެފިޔާއާއި ބައްދަލުކުރިމެޗްވެސް 3 ލަނޑު 1 ލަނޑުން ކާމިޔާބުކުރީ ލޮތާރި ޓީމެވެ.
ކޮމެންޓްސް (0)